სიახლეები
საერთაშორისო სტუდენტური კონფერენცია
დავით აღმაშენებლის სახელობის საქართველოს ეროვნული თავდაცვის აკადემიის სამეცნიერო კვლევით ცენტრის ორგანიზებით გაიმართა საერთაშორისო სტუდენტური კონფერენცია.
კონფერენცია გახსნა აკადემიის სამეცნიერო-კვლევითი ცენტრის ხელმძღვანელმა პოლკოვნიკმა გიორგი ლაღიაშვილმა ბაკალავრიატის ხელმძღვანელ პირებთან ერთად. პოლკოვნიკმა გიორგი ლაღიაშვილმა ყურადღება გაამახვილა აკადემიაში საერთაშორისო სტუდენტური კონფერენციის მნიშვნელობაზე, როგორც იუნკერების მიერ სამეცნიერო-კვლევითი მიმართულებით გადადგმულ პირველ ნაბიჯებზე. კონფერენციას ასევე ესწრებოდნენ აკადემიის პერსონალი და მოწვეული სტუმრები.
პრეზენტაციების დროს გაკეთდა მოხსენებები სხვადასხვა მიმართულებებით და განხილული იქნა სამეცნიერო - კვლევითი სიახლეები. კონფერენციის მსვლელობის დროს დამსწრე აუდიტორიის მხრიდან დაისვა არაერთი საინტერესო კითხვა, რაზეც მომხსენებლებმა თავიანთი კომპეტენციის ფარგლებში გასცეს ამომწურავი პასუხები.
კონფერენციის დასრულების შემდეგ, მონაწილეებს გადაეცათ სერტიფიკატები.
