დღეს, ეროვნული თავდაცვის აკადემიის სამწყობრო მოედანზე, აკადემიის პირადი შემადგენლობის დაჯილდოების ცერემონია გაიმართა. აკადემიის რექტორის მოადგილეებმა, პოლკოვნიკმა დავით რაზმაძემ და პოლკოვნიკმა იმედა გვრიტიშვილმა აკადემიის პირადი შემადგენლობა უწყებრივი მედლებით და საპატიო სიგელებით დააჯილდოვეს, მორიგი სამხედრო წოდება მიენიჭა ორ სამხედრო მოსამსახურეს.

საქართველოსა და ჩეხეთის თავდაცვის სამინისტროებს შორის არსებული ორმხრივი თანამშრომლობის ფარგლებში, მიმდინარე წლის 29-30 ნოემბერს ეროვნული თავდაცვის აკადემიაში სტუმრად იმყოფებოდნენ ჩეხეთის ეროვნული თავდაცვის უნივერსიტეტის წარმომადგენლები: ვიცე-რექტორი, პოლკოვნიკი ლიბორ ქუტეჟი და საერთაშორისო ურთიერთობის ოფისის ხელმძღვანელი, კაპიტანი ჰანა სმერდოვა.

2021 წლის 29 დეკემბერს ეროვნული თავდაცვის აკადემიაში გაიმართება სამეცნიერო პრაქტიკული კონფერენცია "ფსიქოლოგიის და განათლების მეცნიერებათა აქტუალური საკითხები".    

24 ნოემბერს ეროვნული თავდაცვის აკადემიის ორგანიზებით გაიმართა საერთაშორისო სამეცნიერო-კვლევითი კონფერენცია ონლაინ ფორმატში. კონფერენცია გაშლილი იყო ორი მიმართულებით: „ახალი ტექნოლოგიების როლი და მნიშვნელობა შეიარაღებულ კონფლიქტებში“ და „კონფლიქტების ანალიზი: პოლიტიკურ -ფსიქოლოგიური და სოციალურ-ეკონომიკური ასპექტები“.

ეროვნული თავდაცვის აკადემიაში სერჟანტთა სამხედრო სამეცნიერო-პრაქტიკული კონფერენცია ,,სერჟანტთა კორპუსის როლი საქართველოს სამხედრო კონფლიქტებში: წარსულის გაკვეთილები და მიმდინარე გამოწვევები'' გაიმართა.