ცენტრის ფუნქციებია:

ა) ცენტრის კომპეტენციის ფარგლებში სამეცნიერო-კვლევითი საქმიანობისა და ძირითადი საგანმანათლებლო და საგანმანათლებლო ერთეულების შესაბამისი სამსახურების მუშაობის კოორდინაცია;

 ბ) ცენტრის კომპეტენციის ფარგლებში აკადემიის სახელით წარდგენილი, მიმდინარე თუ შესრულებული სამეცნიერო-კვლევითი საგრანტო პროექტების ადმინისტრირება და ხელშეწყობა;

გ) სამეცნიერო ფონდებთან და დონორ ორგანიზაციებთან ურთიერთობის კოორდინაცია;

დ) ცენტრის კომპეტენციის ფარგლებში, საქართველოს განათლებისა და მეცნიერების სამინისტროსთან, ეროვნულ სამეცნიერო ფონდთან, საქართველოს თავდაცვის სამინისტროსთან და თავდაცვის ძალებთან ურთიერთობა;

ე) აკადემიის პირადი შემადგენლობის საკონსულტაციო მომსახურების უზრუნველყოფა სამეცნიერო ფონდების მოძიების, საგრანტო პროექტების მომზადების, პროექტების მართვის მიზნით;

ვ) სათანადო ანალიზის აკადემიის მართვის ორგანოებისთვის რეკომენდაციების მომზადება აკადემიის ბიუჯეტში სამეცნიერო კვლევების დაფინანსებისათვის გამოყოფილი სახსრების სავარაუდო განაწილების შესახებ;

ზ) ქართულ და უცხოურ უნივერსიტეტებთან, არასაუნივერსიტეტო სამეცნიერო ცენტრებთან განვითარებული სამეცნიერო-კვლევითი საქმიანობის ხელშეწყობა და კოორდინაცია;

თ) აკადემიის სტრუქტურული ერთეულებიდან სამეცნიერო-კვლევით საქმიანობასთან დაკავშირებული ნებისმიერი ინფორმაციის გამოთხოვა (მათ შორის, აკადემიის ბიუჯეტიდან დაფინანსებული სამეცნიერო შინაარსის მივლინებათა, მიმდინარე საგრანტო პროექტების შესახებ ინფორმაცია და სხვა);

ი) ცენტრის საქმიანობის წლიური ანგარიშის წარდგენა აკადემიის რექტორისათვის;

კ) აკადემიის პირადი შემადგენლობის, იუნკერებისა და მსმენელების კონსულტირება და მათთვის დახმარების გაწევა:

ლ) სამეცნიერო-კვლევითი საქმიანობისთვის დაფინანსების წყაროების მოძიებაში, საქართველოს და საერთაშორისო ორგანიზაციებთან, სახელმწიფო და კერძო სტრუქტურებთან კონტაქტების დამყარებაში;

მ) საგრანტო განაცხადის და განაცხადის ბიუჯეტის შედგენის და წინასწარი შემოწმების, დონორებთან/პარტნიორ-ორგანიზაციებთან მოლაპარაკებების წარმართვის და საქმიანი წერილობითი კომუნიკაციის დამყარების, დონორებისთვის/პარტნიორი-ორგანიზაციებისთვის/სხვ. ანგარიშე¬ბის მომზადების, წინასწარი შემოწმებისა და სწორად წარდგენის მიმართულებით, არსებული საჭიროებების და პრობლემების შესწავლა, გადაჭრის გზების დასახვა.

ნ) აკადემიაში მიმდინარე სამეცნიერო-კვლევითი საქმიანობის ანალიზისა და ყოველწლიური სამეცნიერო ანგარიშის მომზადება იმ სტრუქტურული ერთეულების მიერ მოწოდებული შესაბამისი ინფორმაციის საფუძველზე, რომლებიც ახორციელებენ სამეცნიერო საქმიანობას.