სიახლეები
აკადემიის წარმომადგენლები მე-20 შეიარაღებული კონფლიქტების სამართლის კონკურსზე
მიმდინარე წლის 21-25 მარტს, იტალიაში, ქ.სანრემოში, ჰუმანიტარული სამართლის საერთაშორისო ინსტიტუტის ორგანიზებით გამართულ, რიგით ,,მე-20 შეიარაღებული კონფლიქტების სამართლის კონკურსში'' მონაწილეობა მიიღეს აკადემიის იუნკერთა სასწავლო ბატალიონის იუნკერებმა - ვერიკო თორდიამ, სალომე დავითულიანმა, თორნიკე გვარმიანმა და შტაბის G-5 სამსახურის საერთაშორისო ურთიერთობისა და დაგეგმვის განყოფილების უფროსმა, კაპიტანმა რევაზ ტორონჯაძემ.
აღნიშნული კონკურსი ყოველწლიურად ტარდება და მიზნად ისახავს მომავალი სამხედრო ლიდერებისთვის საერთაშორისო ჰუმანიტარული სამართლის გაცნობას და მრავალეროვნულ გარემოში სამხედრო სფეროს პროფესიონალებთან მუშაობის უნარის გამომუშავებას.
