სიახლეები
მოწვეული საპატიო სტუმრის პროგრამა აკადემიაში
ეროვნული თავდაცვის აკადემიის ხელმძღვანელობამ „მოწვეული საპატიო სტუმრის'' პროგრამის ფარგლებში სახელმწიფო უსაფრთხოების სამსახურის წარმომადგენლებს უმასპინძლა.
ღონისძიება საქართველოს თავდაცვის სამინისტროს Army Hall-ში მაგისტრანტებისთვის გაიმართა, რომელსაც აკადემიის რექტორის მოადგილე, პოლკოვნიკი დავით რაზმაძე და მაგისტრატურის წარმომადგენლები ესწრებოდნენ. შეხვედრამ საინტერესო კითხვა-პასუხის რეჟიმში ჩაიარა.
„მოწვეული საპატიო სტუმრის“ პროგრამა სამაგისტრო პროგრამების შემადგენელ ნაწილს წარმოადგენს და მიზნად ისახავს, მაგისტრატურაში სტრატეგიული დონის თანამდებობის პირებისა და კვალიფიციური ექსპერტების მოწვევას.
