მოწვეული საპატიო სტუმრის პროგრამა აკადემიაში

ეროვნული თავდაცვის აკადემიაში გრძელდება „მოწვეული საპატიო სტუმრის'' პროგრამა, რომლის ფარგლებში, სტუმრად, საქართველოს შინაგან საქმეთა სამინისტროს საგანგებო სიტუაციების სამსახურის წარმომადგენელი იმყოფებოდა.

ღონისძიება საქართველოს თავდაცვის სამინისტროს Army Hall-ში მაგისტრანტებისთვის გაიმართა, რომელსაც აკადემიის მაგისტრატურის ხელმძღვანელი, ვიცე-პოლკოვნიკი გიორგი არაბული და მაგისტრატურის წარმომადგენლები ესწრებოდნენ. შეხვედრამ საინტერესო კითხვა-პასუხის რეჟიმში ჩაიარა.

„მოწვეული საპატიო სტუმრის“ პროგრამა სამაგისტრო პროგრამების შემადგენელ ნაწილს წარმოადგენს და მიზნად ისახავს, მაგისტრატურაში სტრატეგიული დონის თანამდებობის პირებისა და კვალიფიციური ექსპერტების მოწვევას.