სიახლეები
საჯარო სკოლების მოსწავლეები ეროვნულ თავდაცვის აკადემიაში
პროექტის „პროფესიული ორიენტაცია და კარიერის დაგეგმვა“ ფარგლებში, დღეს, ეროვნულ თავდაცვის აკადემიაში სტუმრად იმყოფებოდნენ ბოლნისის მუნიციპალიტეტის საჯარო სკოლების მოსწავლეები.
სასწავლო სამმართველოს უფროსმა მარიამ დარბაიძემ სტუმრებს პრეზენტაცია წარუდგინა საბაკალავრო სკოლის საგანმანათლებლო პროგრამების, მიღების პირობებისა და არსებული გაცვლითი პროგრამების შესახებ. იუნკერებმა სკოლის მოსწავლეებს დღის განრიგი, დათხოვნისა და სტიპენდიის პირობები გააცნეს.
შეხვედრის დასრულების შემდეგ, მოსწავლეებმა აკადემიის ინფრასტრუქტურა დაათვალიერეს.