აკადემიის დელეგაციის ვიზიტი საბერძნეთის შეიარაღებული ძალების სამხედრო აკადემიაში

მიმდინარე წლის 1-3 ნოემბერს  ეროვნული თავდაცვის აკადემიის რექტორის მოვალეობის შემსრულებელი, ვიცე-პოლკოვნიკი ვასილ კოპეიკინი, საერთაშორისო ურთიერთობების სამმართველოს უფროსის მოვალეობის შემსრულებელი, ქალბატონი ნინო გეწაძე და უმცროს ოფიცერთა სკოლის უფროსი, ვიცე-პოლკოვნიკი  გოჩა ბერაძე გაცნობითი სახის ვიზიტით სტუმრად იმყოფებოდნენ საბერძნეთის  შეიარაღებული ძალების სამხედრო აკადემიაში.

ვიზიტის ფარგლებში, მხარეებმა ერთმანეთს აკადემიის ზოგადი საქმიანობის შესახებ ინფორმაცია გააცნეს, ასევე განიხილეს საბაკალავრო სკოლის იუნკერებისა და პროფესორ-მასწავლებლების გაცვლით პროგრამებში აქტიური მონაწილეობის საკითხი.

შეხვედრაზე  ეროვნულ თავდაცვის  აკადემიასა და საბერძნეთის  შეიარაღებული ძალების სამხედრო აკადემიას შორის სამომავლო თანამშრომლობის პერსპექტივებზეც ისაუბრეს.