სიახლეები
არჩილ ჩაჩხიანის ლექცია I და II კურსის იუნკერებისთვის
ეროვნულ თავდაცვის აკადემიაში გრძელდება 1921 წელს საქართველოს დამოუკიდებლობისათვის ბრძოლაში დაღუპული იუნკერების ხსოვნისადმი მიძღვნილი ღონისძიებები.
ოკუპაციის კვირეულის ფარგლებში, დღეს, სამეთაურო-საშტაბო კოლეჯის ომის თეორიისა და სამხედრო ხელოვნების კურსის უფროსმა ინსტრუქტორმა, თადარიგის პოლკოვნიკმა, ისტორიის მეცნიერებათა დოქტორმა, ბატონმა არჩილ ჩაჩხიანმა ეროვნული თავდაცვის აკადემიის I და II კურსის იუნკერებისთვის ლექცია წაიკითხა თემაზე: „იუნკერთა სამხედრო სკოლის იუნკერები“.
ლექციის მეორე ნახევარი კითხვა-პასუხის რეჟიმში წარიმართა. ისტორიის მეცნიერებათა დოქტორმა 1921 წლის თებერვლის მოვლენებთან დაკავშირებით მომავალი ოფიცრების კითხვებს ამომწურავი პასუხები გასცა.