სიახლეები
იუნკერები ლატვიის თავდაცვის აკადემიის საერთაშორისო კვირეულზე
ეროვნული თავდაცვის აკადემიის იუნკერებმა, ამერიკის, ესტონეთის, პოლონეთის, ლიტვისა და ლატვიის უმაღლესი სამხედრო სასწავლებლების მსმენელებთან ერთად მიმდინარე წლის 13 მარტიდან 17 მარტის ჩათვლით, მონაწილეობა მიიღეს ლატვიის ეროვნული თავდაცვის აკადემიის კადეტთა საერთაშორისო კვირეულში.
კვირეულის ფარგლებში, მონაწილეებისთვის დაგეგმილი იყო სხვადასხვა სახის აკადემიური და კულტურულ-შემეცნებითი ღონისძიება.
უმაღლესი სამხედრო სასწავლებლების იუნკერებმა და მსმენელებმა სხვადასხვა თემაზე მოწვეული სტუმრების ლექციები მოისმინეს. მათ, ასევე მოინახულეს ლატვიის სახმელეთო ძალების ბრიგადა, ბალტიის საზღვაო სასწავლო ყვინთვის ცენტრი და მონაწილეობა მიიღეს ცეცხლსასროლი იარაღიდან სროლის შეჯიბრში.
