სიახლეები
რუმინეთის თავდაცვის უნივერსიტეტის კომენდანტის ვიზიტი აკადემიაში
დღეს, ეროვნულ თავდაცვის აკადემიაში გაცნობითი ვიზიტით იმყოფებოდა რუმინეთის კაროლ პირველის სახელობის ეროვნული თავდაცვის უნივერსიტეტის კომენდანტი, პოლკოვნიკი გეორგე კალოპარეანუ.
ვიზიტის ფარგლებში, პოლკოვნიკ კალოპარენაუს აკადემიის რექტორი, პოლკოვნიკი ზაზა ჯაფარიძე და რექტორის მოადგილე, ვიცე-პოლკოვნიკი ზეზვა ლიპარტელიანი შეხვდნენ.
აკადემიის რექტორმა რუმინელ კოლეგას ეროვნული თავდაცვის აკადემიის საქმიანობა და არსებული საგანმანათლებლო პროგრამები გააცნო. შეხვედრაზე მხარეებმა აკადემიაში სამეცნიერო-კვლევითი ცენტრის ჩამოყალიბებაზე, ასევე სამეთაურო-საშტაბო კოლეჯის დონეზე ინსტრუქტორების გაცვლითი პროგრამის დაგეგმვისა და რუმინეთის ეროვნული თავდაცვის უნივერსიტეტის მრავალეროვანი ოპერაციების დეპარტამენტთან თანამშრომლობის საკითხებიც განიხილეს.
შეხვედრის დასრულების შემდეგ სტუმარმა აკადემიის ინფრასტრუქტურა დაათვალიერა.
