სიახლეები
აკადემიის პირველი კურსის იუნკერებმა გაიარეს ხუთკვირიანი საწყისი საბრძოლო მომზადების კურსი
ეროვნული თავდაცვის აკადემიის პირველი კურსის იუნკერებმა გაიარეს ხუთკვირიანი საწყისი საბრძოლო მომზადების კურსი, რომელიც მოიცავდა თეორიულ და პრაქტიკულ მეცადინეობებს.
საწყისი საბრძოლო მომზადების კურსი მიზნად ისახავს ახალწვეული სამოქალაქო პირების სამხედრო მოსამსახურეებად გარდაქმნას. კურსის განმავლობაში იუნკერები დაეუფლნენ სამხედრო მოსამსახურის ჩამოყალიბებისთვის საჭირო უნარ-ჩვევებს. მათ შეისწავლეს აკადემიაში ქცევის, ცხოვრების, ზემდგომებთან და ერთმანეთთან ურთიერთობის წესები, გაეცნენ სადისციპლინო წესდებასა და აკადემიურ ცხოვრებას.
კურსის წარმატებით დასრულების შემდეგ იუნკერები სწავლას გააგრძელებენ აკადემიის საბაკალავრო საგანმანათლებლო პროგრამებზე.
