სიახლეები
პოლკოვნიკ ივან ალეინის ლექცია ეროვნულ თავდაცვის აკადემიაში
დღეს, ეროვნულ თავდაცვის აკადემიაში სტუმრად იმყოფებოდა კანადის თავდაცვის ატაშე საქართველოში, პოლკოვნიკი ივან ალეინი.
ვიზიტის ფარგლებში, პოლკოვნიკმა ალეინმა იუნკერთა ბატალიონის იუნკერებს ლექცია წაუკითხა თემაზე: „კანადის შეიარაღებული ძალები და ლიდერიზმის პროგრამა“.
ლექციის მსვლელობისას სტუმარმა კანადის სამხედრო ძალებსა და ლიდერისთვის დამახასიათებელ თვისებებზე ისაუბრა, ასევე, პირადი გამოცდილების საფუძველზე პოლკოვნიკმა აუდიტორიას კარგი და ცუდი ლიდერის მაგალითები წარუდგინა.
აღნიშნულმა ლექციამ დიდი ინტერესი გამოიწვია იუნკერებში. მომავალ ოფიცრებს საშუალება მიეცათ სტუმრისთვის დაესვათ კითხვები მათთვის საინტერესო საკითხებთან დაკავშირებით.
