პირველი ქვეითი ბრიგადის სასროლეთის მიმდებარე ტერიტორიაზე ეროვნული თავდაცვის აკადემიის სასწავლო ბატალიონის მეოთხე კურსის საველე სწავლება მიმდინარეობს. ერთკვირიანი საველე სწავლება მოიცავს სასწავლო გეგმით განსაზღვრულ თეორიულ და პრაქტიკულ მეცადინეობებს ტოპოგრაფიული რუკისა და კომპასის გამოყენებით საკუთარი ადგილსამყოფელის დადგენაში, ავტომატური შაშხანა M4-ის სროლის სავარჯიშოების შესრულებასა და ქვედანაყოფის მართვის პროცედურების შესწავლაში.

დღეს, ეროვნულ თავდაცვის აკადემიაში ევროკავშირის სადამკვირვებლო მისიის წარმომადგენლებმა აკადემიის იუნკერებს პრეზენტაცია გენდერული ძალადობის წინააღმდეგ 16 დღიანი კამპანიის ფარგლებში ჩაუტარეს.

დღეს, სასწავლო ბატალიონის იუნკერებს აკადემიის კურსდამთავრებული, უფროსი ლეიტენანტი არჩილ შავდათუაშვილი შეხვდა და მათ პირადი გამოცდილების საფუძველზე ახალგაზრდა ოფიცრების გამოწვევებსა და თავისებურებებზე ესაუბრა. 

დღეს, ეროვნულ თავდაცვის აკადემიაში ლიტვის სამხედრო აკადემიის სამეთაურო-საშტაბო კურსის  წარმომადგენლები იმყოფებოდნენ.

​ეროვნული თავდაცვის აკადემიის სამეთაურო-საშტაბო კოლეჯის მსმენელებისთვის საქართველოს ეროვნული უსაფრთხოების, რისკებისა და საფრთხეების შესახებ ლექცია წაიკითხა ივანე ჯავახიშვილის სახელობის თბილისის სახელმწიფო უნივერსიტეტის მოწვეულმა ლექტორმა, ნინო ოხანაშვილმა.