დღეს, სამეთაურო-საშტაბო კურსის სტაბილურობის ოპერაციების მოდულის ხელმძღვანელი ინსტრუქტორი, ვიცე-პოლკოვნიკი გიორგი მეშველიანი და აშშ-ის თავდაცვის სისტემის გამოყენებითი ჯგუფის (CUBIC) წარმომადგენელი, თადარიგის პოლკოვნიკი ჯონ სკოტი სამეთაურო-საშტაბო კურსის მსმენელებს აფრიკის რესპუბლიკაში სტაბილურობის ოპერაციების დაგეგმვისა და მომზადების შესახებ ესაუბრნენ.

24 აპრილიდან 28 აპრილის ჩათვლით აკადემიის იუნკერთა ბატალიონის იუნკერებმა მონაწილეობა მიიღეს გერმანიის არმიის ოფიცერთა სკოლაში გამართულ რიგით 27-ე საერთაშორისო კვირეულში.

ეროვნული თავდაცვის აკადემიის სამეთაურო-საშტაბო კოლეჯის მსმენელებს სოფელ უჯარმის მიმდებარე ტერიტორიაზე ჩაუტარდათ საველე მეცადინეობა, თემაზე: „ვახტანგ გორგასლის სამხედრო ხელოვნება - უჯარმის ბრძოლის ტაქტიკური ანალიზი.“

დღეს, ეროვნული თავდაცვის აკადემიის რექტორმა, ვიცე-პოლკოვნიკმა ზაზა ჯაფარიძემ და იუნკერთა ბატალიონის იუნკერებმა დედამიწის დღესთან დაკავშირებით გორის ციხის მიმდებარე ტერიტორია დაასუფთავეს.

ეროვნულ თავდაცვის აკადემიასა და ნატო-ს სამხედრო განათლების განვითარების პროგრამას (DEEP) შორის გაფორმებული სამოქმედო გეგმის ფარგლებში, ეროვნული თავდაცვის აკადემიის სამეთაურო-საშტაბო კოლეჯის ინსტრუქტორებისთვის სამხედრო ისტორიის კურიკულუმის თემატიკაზე ოთხდღიანი სამუშაო შეხვედრა გაიმართა.