თანამედროვე გამოწვევები, რომელთა წინაშეც დგას საქართველოს სახელმწიფო უწყებები და მათ შორის საქართველოს თავდაცვის ძალები, დღის წესრიგში აყენებს მართვის სტრატეგიული დონისათვის პროფესიონალების მომზადებას, რომელთაც ექნებათ  ღრმა, კვლევაზე დაფუძნებული სისტემური ცოდნა და შესაბამისი პროფესიული უნარები სახელმწიფო მართვაში, მათ შორის რესურსების დაგეგმვის და მართვის პოლიტიკის განხორციელებაში. შეეძლებათ გაუთვალისწინებელ და ცვლად, მულტიდისციპლინურ გარემოში მოქმედება და კომპლექსური პრობლემების გადაწყვეტა.