ეროვნული თავდაცვის აკადემიის რექტორი, ბრიგადის გენერალი მამია ბალახაძე და აკადემიის G-5 სამსახურის უფროსი, ვიცე-პოლკოვნიკი კახაბერ ყავლაშვილი იტალიის რესპუბლიკის ქ. პალერმოში დაესწრნენ მშვიდობის, უსაფრთხოების და კეთილდღეობის საერთაშორისო ფორუმის მიერ ორგანიზებულ IV საერთაშორისო ფორუმს თემაზე „თანამედროვე დაძაბული ვითარების, კონფლიქტებისა და ომის გავლენა საერთაშორისო ინსტიტუტებზე“.

სსიპ - დავით აღმაშენებლის სახელობის საქართველოს ეროვნული თავდაცვის აკადემიის რექტორმა, ბრიგადის გენერალმა მამია ბალახაძემ, აკადემიის ბიბლიოთეკის თანამშრომლებს წიგნის საერთაშორისო დღე მიულოცა და საპატიო სიგელებით დააჯილდოვა.

ეროვნული თავდაცვის აკადემიის მეორე კურსის იუნკერი ბექა კუპატაძე და მესამე კურსის იუნკერი დათო გეგუჩაძე მიმდინარე წლის აპრილის თვეში იმყოფებოდნენ ლატვიის ეროვნულ თავდაცვის აკადემიაში „კადეტთა საერთაშორისო კვირეულზე“, რომელშიც მონაწილეობას იღებდნენ მსოფლიოს სხვადასხვა ქვეყნის კადეტები.

სსიპ დავით აღმაშენებლის სახელობის ეროვნული თავდაცვის აკადემიის სასწავლო ბატალიონის მესამე კურსის იუნკერები მარიამ ხუციშვილი და თამაზ ლომსიანიძე და იუნკერთა სასწავლო ბატალიონის მეორე კურსის უფროსი კაპიტანი გიორგი მიმინოშვილი მიმდინარე წლის აპრილის თვეში იმყოფებოდნენ პოლონეთის რესპუბლიკაში, ქალაქ ვარშავაში, სადაც მონაწილეობა მიიღეს ვარშავის სამხედრო ტექნოლოგიების უნივერსიტეტში გამართულ კონფერენციაში ,,პრობლემები და გამოწვევები თანამედროვე საფრთხეების პირისპირ".

დავით აღმაშენებლის სახელობის თავდაცვის ეროვნული აკადემიის, თამარ მეფის სახელობის დარბაზში, მაგისტრატურისა და სამეცნიერო ცენტრის ორგანიზებით გაიმართა თადარიგის პოლკოვნიკის, პოლიტიკის მეცნიერების დოქტორის, პროფესორ ლევან ნიკოლეიშვილის დასრულებული სამეცნიერო პროექტის პრეზენტაცია.