ეროვნულ თავდაცვის აკადემიას შვეიცარიის კონფედერაციის საგანგებო და სრულუფლებიანი ელჩი საქართველოში გუნტერ ბეხლერი ესტუმრა. ბატონ ელჩს აკადემიის რექტორმა ზურაბ აგლაძემ უმასპინძლა. ვიზიტის ფარგლებში, ბატონმა გუნტერმა საბაკალავრო სკოლის იუნკერებს ლექცია ჩაუტარა მშვიდობის თემაზე. ლექციაზე განხილული იქნა დემოკრატიის, წარმატებული მმართველობისა და ეკონომიკური სტაბილურობის როლი მშვიდობის შენარჩუნებაში.

დღეს დასრულდა ამერიკის შეერთებული შტატების საჰაერო ძალების აკადემიის წარმომადგენლების ერთკვირიანი ვიზიტი ეროვნულ თავდაცვის აკადემიაში. ვიზიტის ფარგლებში,  სტუმრები ეროვნულ თავდცვის აკადემიას, სსიპ -სახელმწიფო სამხედრო სამეცნიერო-ტექნიკურ ცენტრს „დელტა” და სსიპ - კადეტთა სამხედრო ლიცეუმს ესტუმრნენ.

საქარველოში ორდღიანი ვიზიტის ფარგლებში, აშშ-ის ევროპული სარდლობის საზღვაო ქვეითი ძალების მეთაური დავით აღმაშენებლის სახელობის ეროვნულ თავდაცვის აკადემიას ესტუმრა. გენერალ-ლეიტენანტ რიჩარდ ტრაიონს მასპინძლობა გენერალური შტაბის უფროსმა გენერალ-მაიორმა ვახტანგ კაპანაძემ და აკადემიის რექტორმა ზურაბ აგლაძემ გაუწიეს.

ავღანეთის მისიაში წამსვლელ სამხედრო მოსამსახურეებს გაეროს „ქალების, მშვიდობისა და უსაფრთხოების“ რეზოლუციებსა და „კეთილსინდისიერების ამაღლების“ საკითხებზე პირველად ჩაუტარდა სპეციალური სწავლება. გაეროს აღნიშნული რეზოლუციები კონფლიქტების დროს ქალთა უფლებების დაცვაზე, უსაფრთხოების სექტორში ქალთა წარმომადგენლობის გაზრდაზე და კონფლიქტების მოგვარებაში ქალთა აქტიურ მონაწილეობაზე ამახვილებს ყურადღებას. „კეთილსინდისიერების ამაღლების“ პროგრამა სამხედრო მოსამსახურეებში კეთილსინდისიერების განმტკიცებასა და კორუფციულ რისკებზე მათი მხრიდან ადეკვატური რეაგირებას ისახავს მიზნად.

2014-2015 სასწავლო წელს საბაკალავრო პროგრამაზე მიღებასთან დაკავშირებით აბიტურიენტებისთვის, საქართველოს თავდაცვის სამინისტროს შემეცნებით-საგანმანათლებლო ცენტრში, საინფორმაციო სახის შეხვედრა გაიმართა. შეხვედრაზე დამსწრე აბიტურიენტებს საშუალება მიეცათ დეტალური ინფორმაცია მიეღოთ აკადემიაში არსებული საგანმანათლებლო პროგრამების, მიღების, სწავლისა და ცხოვრების პირობებთან დაკავშირებით.