დღეს, ეროვნულ თავდაცვის აკადემიას ფილოლოგი რისმაგ გორდეზიანი ესტუმრა. ბატონმა რისმაგმა ბაკალავრიატის იუნკერებს ლექცია ჩაუტარა, რომლის თემა ანტიკური ერა იყო. ლექციის მსვლელობისას მან ისაუბრა ანტიკურ კულტურასა და მის მწვერვალებზე, ეგეოსურ ანუ კრეტა-მიკენის კულტურაზე, ჰომეროსის (გეომეტრიზმის განვითარება), კლასიკურ და ელინისტურ ხანებზე, ასევე განიხილა ანტიკური ერის მოქანდაკეებისა და არქიტექტორების ნამუშევრებსა და შემოქმედებით განვითარებაზე.

დღეს, ეროვნულ თავდაცვის აკადემიას ფილოლოგი თამაზ ჯოლოგუა ესტუმრა. ბატონმა თამაზმა კაპიტნის საკარიერო სკოლის მსმენელებს ლექცია ჩაუტარა თემაზე „ერის რაობა და ფუნქცია ილია ჭავჭავაძის თვალსაზრისით“. ლექციის დასაწყისში მან განიხილა ილია ჭავჭავაძის დროინდელი ეპოქა, რომ მსმენელებს საშუალება ჰქონოდათ ეპოქის კონტექსტში დაენახათ ის წარუშლელი კვალი, რომელიც მან დატოვა.

დღეს, სტარტი აიღო ტურნირმა ფრენბურთში, რომელშიც საქართველოს შეიარაღებული ძალების სამხედრო მოსამსახურეები მიიღებენ მონაწილეობას. ტურნირის მასპინძელია ეროვნული თავდაცვის აკადემია. სპორტულ ღონისძიებაში გამარჯვებულ გუნდებს გადაეცემათ მედლები და სერთიფიკატები. პირველ ადგილზე გასულ გუნდს გადასცემენ გარდამავალ თასს.

დღეს, ეროვნული თავდაცვის აკადემიაში საბაკალავრო სკოლის იუნკერებმა სასწავლო წელი დაიწყეს. პირველკურსელებს საჩუქრად გადაეცათ პერსონალური კომპიუტერები. საბაკალავრო სკოლა იუნკერებს საშუალებას აძლევს მიიღონ ბაკალავრის ხარისხი, როგორც სამხედრო ასევე სამოქალაქო მიმართულებით.

დღეს, იუნკერებს ეროვნული თავდაცვის აკადემიის რექტორის მოადგილე ერეკლე ჩიგოგიძე და სასწავლო მიმართულების ხელმძღვანელები შეხვდნენ. შეხვედრის დროს იუნკერებს გააცნეს სასწავლო განრიგი, შეფასებისა და სტიპენდიის სისტემები და გაცვლითი პროგრამები, ასევე ესაუბრნენ ბაკალავრიატის სკოლაში სამოქალაქო კვალიფიკაციის მიღებაზე.