4 მაისს კახეთში, ლოპოტას ხეობაში მასშტაბური მსოფლიო რბენა „Wings for Life“ გაიმართა. აღნიშნულ საქველმოქმედო ღონისძიებაში  40-ზე მეტი ქვეყნიდან პროფესიონალი და მოყვარული სპორტსმენები, საერთაშორისო და არასამთავრობო ორგანიზაციები, უმაღლესი სასწავლებლები, სამინისტროები, დიპლომატიური კორპუსი და  სამთავრობო სექტორი მონაწილეობდნენ.

დღეს ეროვნულ თავდაცვის აკადემიაში კინოჩვენება გაიმართა. დოკუმენტური ფილმის „სრული სვლით დასავლეთისაკენ“ ჩვენებას სამხედრო აკადემიის საბაკალავრო სკოლის 200 იუნკერი დაესწრო. ღონისძიება პროექტ „ჯარის მეგობართა საზოგადოების“ ფარგლებში გაიმართა.  ფილმში საქართველოს უახლესი ისტორიის პოლიტიკური და ეკონომიკური მოვლენებია ასახული. ჩვენების დასრულების შემდეგ შეხვედრა კითხვა-პასუხის რეჟიმში გაგრძელდა. 

ნატოს სამხედრო განათლების განვითარების პროგრამასა (DEEP) და ეროვნულ თავდაცვის აკადემიას შორის გაფორმებული სამოქმედო გეგმის ფარგლებში, ეროვნულ თავდაცვის აკადემიას პოლონეთის, რუმინეთისა და ჩეხეთის თავდაცვის აკადემიების წარმომადგენლები, ბატონები პიოტრ გავლიზეკი, ცეზარ ვასილესკი და ლუბომირ კუბინი ესტუმრნენ.

დღეს, ეროვნულ თავდაცვის აკადემიაში დასრულდა სამეცნიერო კონფერენცია. სამეცნიერო კონფერენციაზე მოხსენებით გამოვიდნენ დავით აღმაშენებლის სახელობის საქართველოს ეროვნული თავდაცვის აკადემიის იუნკერები, ივანე ჯავახიშვილის სახელობის თბილისის სახელმწიფო უნივერსიტეტის, საქართველოს ტექნიკური უნივერსიტეტის, შავი ზღვის საერთაშორისო უნივერსიტეტის,  ბალტიის საერთაშორისო აკადემიის, ქართულ-ამერიკული უნივერსიტეტისა და თბილისის ღია სასწავლო უნივერსიტეტის სტუდენტები.

დღეს, ეროვნულ თავდაცვის აკადემიაში დაიწყო ოფიცერთა მომზადების საკანდიდატო კურსზე მისაღები გამოცდები. გამოცდებში მონაწილეობას იღებს 148 სამოქალაქო პირი და 102 სამხედრო მოსამსახურე. მისაღები გამოცდების შედეგებიდან გამომდინარე აღნიშნულ კურსზე დაგეგმილია 150-მდე მსმენელის მიღება.