დღეს, ეროვნულ თავდაცვის აკადემიას საგარეო პოლიტიკის საკითხების ექსპერტი ირაკლი მენაღარიშვილი ესტუმრა. ბატონმა ირაკლიმ კაპიტნის საკარიერო სკოლის მსმენელებს ლექცია ჩაუტარა, რომლის ძირითადი თემა იყო საქართველოს 21-ე საუკუნის გეო-პოლიტიკა.

დღეს, გაერთიანებული შტაბის უფროსის მოადგილემ, პოლკოვნიკმა ვლადიმერ ჩაჩიბაიამ სამეთაურო-საშტაბო სკოლის მსმენელებს ლექცია ჩაუტარა. ლექცია კითხვა-პასუხის რეჟიმში გაიმართა და ძირითადად შეეხო შეიარაღებული ძალების მიმდინარე რეფორმებსა და სამომავლო გეგმებს, თავდაცვის სამინისტროსა და განათლების სამინისტროს ურთიერთთანამშრომლობასა და საქართველოს გეო-პოლიტიკურ მდგომარეობას.

5 ოქტომბერს ეროვნული თავდაცვის აკადემიის იუნკერებმა მონაწილეობა მიიღეს სატელევიზიო პროექტში „ეტალონი“. გადაცემა ეროვნული თავდაცვის აკადემიის რექტორის, ზურაბ აგლაძის ხელშეწყობით განხორციელდა.

დღეს, ეროვნულ თავდაცვის აკადემიას NovaMova საერთაშორისო ენის სკოლის წარმომადგენლები და მისი სტუდენტები - აშშ-ს სამხედრო აკადემიის კადეტები და საზღვაო აკადემიის მიჩმანები, ესტუმრნენ.

დღეს, ტაქტიკური საველე მომზადების 3 კვირიანი პროგრამის წარმატებულად გავლისთვის ეროვნული თავდაცვის აკადემიის 48 მსმენელს სპეციალური დანიშნულების სასწავლო ცენტრის მეთაურმა, მაიორმა ზურაბ ხუროშვილმა და სასწავლო ბატალიონის მეთაურმა, უფროსმა ლეიტენანტმა ლაშა ოდილავაძემ სერთიფიკატები გადასცეს.