საქართველოს დამოუკიდებლობისათვის ბრძოლაში გმირულად დაღუპულ იუნკერთა მემორიალი გვირგვინით შეამკეს. ცერემონიას თავდაცვის სამინისტროს ვეტერანთა საქმეების დეპარტამენტის წარმომადგენლები, სამხედრო მოსამსახურეები, კადეტთა სამხედრო ლიცეუმის და ეროვნული თავდაცვის აკადემიის მსმენელები დაესწრნენ. 

საქართველოში ვიზიტით აშშ-ის თავდაცვის მდივნის თანაშემწის მოადგილე რუსეთის, უკრაინისა და ევრაზიის საკითხებში, დოქტორ სელესტ ვალანდერი იმყოფება. თავდაცვის მდივნის თანაშემწე დღეს საქართველოს პრეზიდენტს მიხეილ სააკაშვილს შეხვდა. 

დავით აღმაშენებლის სახელობის ეროვნული თავდაცვის აკადემიაში ნატო-ს კუთხე გაიხსნა. კუთხის გახსნას საქართველოს ვიცე-პრემიერ მინისტრი გიორგი ბარამიძე, ნატოს საინფორმაციო ცენტრის წარმომადგენლები და აკადემიის მსმენელები დაესწრნენ.

საქართველოში ვიზიტით ავღანეთის ჰელმანდის პროვინციის გუბერნატორის მთავარი მრჩეველი უსაფრთხოების საკითხებში აბდულ ალი შამსი იმყოფება. გუბერნატორის მთავარი მრჩეველი დღეს დავით აღმაშენებლის სახელობის ეროვნული თავდაცვის აკადემიას ესტუმრა. 

ეროვნულ თავდაცვის  აკადემიაში ფრანგმა კადეტებმა სტაჟირება გაიარეს.   ოთხკვირიანი სტაჟირების კურსი თეორიულ და პრაქტიკულ მეცადინეობებს მოიცავდა. თავდაცვის ეროვნულ აკადემიაში კადეტები ქართველ მსმენელებთან ერთად ესწრებოდნენ ლექციებს, მონაწილეობდნენ საველე სწავლებებში.