დავით აღმაშენებლის სახელობის საქართველოს ეროვნულმა თავდაცვის აკადემიამ უმაღლესი და პროფესიული განათლების, საზღვარგარეთ სწავლისა და სტუდენტური სერვისების მე-4 საერთაშორისო გამოფენაში პირველად მიიღო მონაწილეობა. ორდღიანი გამოფენის ფარგლებში, ეთა-ს ხელმძღვანელებსა და წარმომადგენლებს მომავალ მსმენელებთან პირისპირ გასაუბრების საშუალება მიეცათ. 

ვაზიანის პოლიგონზე ჩატარდა ათეულის დონის სიტუაციური სწავლება, რომელშიც მონაწილეობა სასწავლო ბატალიონის მეორე კურსის იუნკერებმა მიიღეს. საველე გასვლა მიზნად ისახავს იუნკერების მიერ განვლილი მასალიდან მიღებული თეორიული ცოდნის პრაქტიკულ განხორციელებას. საველე სწავლების ფარგლებში იუნკერებს ჩაუტარდათ პრაქტიკული სროლები.

ეროვნულ თავდაცვის აკადემიას კოტე მარჯანიშვილის სახელობის სახელმწიფო დრამატული თეატრის სამხატვრო ხელმძღვანელი ლევან წულაძე ესტუმრა. ვიზიტის ფარგლებში, ბატონი ლევანი აკადემიის საბაკალავრო სკოლის იუნკერებს შეხვდა. სტუმარმა ოფიცრის განსაკუთრებული როლისა და მნიშვნელობის შესახებ ისაუბრა.

ნატოს სამხედრო განათლების განვითარების პროგრამის (DEEP) ფარგლებში, ეროვნულ თავდაცვის აკადემიაში დაიწყო სამდღიანი სწავლება მოსწავლეთა შეფასების საკითხებზე. პროგრამის  წარმომადგენლები ბატონი რობერტ ანტისი და ქალბატონი კლაუდია კლარკი ეროვნული თავდაცვის აკადემიის პროფესორ-მასწავლებლებსა და სამხედრო ინსტრუქტორებს სემინარებს ჩაუტარებენ სტუდენტთა შეფასების უახლესი მეთოდიკის დანერგვასა და გამოყენებასთან დაკავშირებით.

ეროვნულ თავდაცვის აკადემიას თურქეთის სამხედრო აკადემიის რექტორი, გენერალ მაიორი სელიმ მერტი და აკადემიის კურსანტები ესტუმრნენ. სტუმრები აკადემიის რექტორს, ბატონ ზურაბ აგლაძეს და კომენდანტის მოვალეობის შემსრულებელს, ვიცე-პოლკოვნიკ ვასილ კოპეიკინს შეხვდნენ.