დღეს, ეროვნულ თავდაცვის აკადემიაში კაპიტნის საკარიერო სკოლის კურსდამთავრებულთა გამოშვების საზეიმო ცერემონიალი გაიმართა. საქართველოს შეიარაღებული ძალების სხვადასხვა ქვედანაყოფის ოთხმოცდაოთხმა სამხედრო მოსამსახურემ კაპიტნის საკარიერო სკოლაში - მანევრის, დაზვერვის, ლოგისტიკის, პერსონალის, სამხედრო საინჟინრო, კავშირგაბმულობისა და არტილერიის კურსები გაიარა.

დღეს, ეროვნულ თავდაცვის აკადემიას This Able Vet LLC-ის დამაარსებელი, ქალბატონი ჯილ ჩეიმბერსი და საქართველოს შეიარაღებული ძალების გენერალური შტაბის სამედიცინო დეპარტამენტის რეაბილიტაციის კონტროლისა და მონიტორინგის სამმართველოს უფროსი, ვიცე-პოლკოვნიკი მამუკა მიქაბაძე ესტუმრნენ.

დღეს, ეროვნული თავდაცვის აკადემიის კაპიტნის საკარიერო სკოლის მსმენელებს ჩაუტარდათ სწავლება გენდერული თანასწორობის პრინციპებზე. სწავლების ფარგლებში, აკადემიის ადმინისტრაციის ხელმძღვანელმა, ქალბატონმა მაია ავალიანმა გენდერული თანასწორობის პრინციპებზე, გაეროს უშიშროების საბჭოს რეზოლუცია 1325: ქალები, მშვიდობა და უსაფრთხოების მნიშვნელობასა და ცნობიერების ამაღლებაზე ისაუბრა. 

ეროვნული თავდაცვის აკადემიის ადმინისტრაციის ხელმძღვანელმა, ქალბატონმა მაია ავალიანმა და საქართველოს თავდაცვის სამინისტროს საერთაშორისო სამართლის სამმართველოს უფროსმა, ბატონმა გიორგი ამანათიძემ აკადემიის სასწავლო ბატალიონის ოფიცრებსა და სერჟანტებს სწავლება ჩაუტარეს გენდერული თანასწორობისა და გაეროს უშიშროების საბჭოს რეზოლუცია 1325: ქალები, მშვიდობა და უსაფრთხოების შესახებ.

დღეს დასრულდა ეროვნული თავდაცვის აკადემიის კაპიტნის საკარიერო სკოლის მანევრის, არტილერიის, სამხედრო-საინჟინრო, ლოგისტიკის, პერსონალის, სამხედრო დაზვერვისა და კავშირგაბმულობის კურსების დამამთავრებელი სამდღიანი ტაქტიკური სიმულაციური სწავლება.