დღეს, ეროვნულ თავდაცვის აკადემიაში გაცნობითი ვიზიტით დიდი ბრიტანეთის თავდაცვის ატაშე საქართველოში, ვიცე-პოლკოვნიკი დეივ ეთელი იმყოფებოდა. სტუმარს ეროვნული თავდაცვის აკადემიის რექტორი, პოლკოვნიკი ზაზა ჯაფარიძე, აკადემიის საერთაშორისო ურთიერთობების განყოფილების უფროსი, ქალბატონი ნინო გეწაძე და სამეთაურო-საშტაბო კოლეჯის მეთაური, ვიცე-პოლკოვნიკი დავით ჩხეტიანი შეხვდნენ. 

დღეს, საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა ზაზა ჩხაიძემ ეროვნული თავდაცვის აკადემიის სასწავლო ბატალიონის III-IV კურსის იუნკერებისთვის ლექცია წაიკითხა. ბრიგადის გენერალი ჩხაიძე იუნკერებს გენერალური შტაბისა და მისი სტრუქტურული ერთეულების ფუნქცია-მოვალეობების შესახებ ესაუბრა. 

დღეს, დავით აღმაშენებლის სახელობის საქართველოს ეროვნულ თავდაცვის აკადემიასა და საქართველოს სტრატეგიისა და საერთაშორისო ურთიერთობების კვლევის ფონდს (რონდელის ფონდი) შორის ურთიერთგაგების მემორანდუმი გაფორმდა.

თავდაცვის სამინისტროსა და შეიარაღებული ძალების პრიორიტეტების გათვალისწინებით, 2017 წლიდან ეროვნული თავდაცვის აკადემიის სამეთაურო-საშტაბო კოლეჯში ამოქმედდა თავდაცვის ანალიზის სამაგისტრო საგანმანათლებლო პროგრამა, რომელიც მიზნად ისახავს კვალიფიციური სამხედრო და სამოქალაქო კადრების მომზადებას თავდაცვის ანალიზის სპეციალიზაციით. 

“ექსპო-ჯორჯიას” საგამოფენო დარბაზში უმაღლესი და პროფესიული განათლების, საზღვარგარეთ სწავლისა და სტუდენტური სერვისების რიგით მე-8 საერთაშორისო გამოფენა გაიმართა. ღონისძიება ყოველწლიურად იმართება და მასში 100-ზე მეტი უნივერსიტეტი იღებს მონაწილეობს. „ექსპო-ჯორჯიას“ საგამოფენო დარბაზში, ეროვნული თავდაცვის აკადემია, სხვა უმაღლეს სასწავლებლებთან ერთად, სპეციალური სტენდით იყო წარმოდგენილი.