ეროვნულ თავდაცვის აკადემიაში ERASMUS+ CBHE ინსტიტუციური განვითარების 2017 წლის საგრანტო კონკურსის დაფინანსებული პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებებში“ ფარგლებში მორიგი სამუშაო შეხვედრა გაიმართა, რომელსაც სხვადასხვა თემატური ჯგუფის წევრი ესწრებოდა. 

ეროვნული თავდაცვის აკადემია აცხადებს ნაშრომების მიღებას აკადემიის 2018 წლის სამეცნიერო შრომების კრებულისთვის „შრომები“. ავტორებმა რეგისტრაცია უნდა გაიარონ სამეცნიერო შრომების კრებულის ოფიციალურ ვებგვერდზე (journal.eta.edu.ge) და ნაშრომები წარმოადგინონ არსებული მოთხოვნების შესაბამისად. წარმოდგენილი ნაშრომები უნდა იყოს ქართულ და ინგლისურ ენებზე. ნაშრომების მიღება იწარმოებს მიმდინარე წლის სექტემბრამდე.

საქართველოს თავდაცვის სამინისტროს „არმიჰოლში“ ეროვნული თავდაცვის აკადემიის სამეთაურო-საშტაბო კოლეჯის სამეთაურო-საშტაბო კურსის მეშვიდე გამოშვების ცერემონია გაიმართა. მსმენელებს კურსის (CGS) წარმატებით დასრულება შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ მიულოცა. ღონისძიებაზე კურსდამთავრებულებს დიპლომები და სამკერდე ნიშნები გადაეცათ.

საარჩევნო სისტემათა საერთაშორისო ფონდის (IFES), სამოქალაქო განათლების ლექტორთა ასოციაციისა (CELA) და ეროვნული თავდაცვის აკადემიის ორგანიზებით აკადემიაში გაიმართა სამოქალაქო განათლების საუნივერსიტეტო კურსის „დემოკრატია და მოქალაქეობა“ ფარგლებში განხორციელებული სტუდენტთა საუკეთესო პროექტების პრეზენტაცია.

​საქართველოს შეიარაღებული ძალების გენერალური შტაბის სამედიცინო დეპარტამენტის უფროსი, ვიცე-პოლკოვნიკი ავთანდილ აბაშიძე ეროვნული თავდაცვის აკადემიის იუნკერებს შეხვდა და მათ გენერალური შტაბის სამედიცინო დეპარტამენტის, მისი სტრუქტურისა და სამომავლო გეგმების შესახებ ესაუბრა.