საქართველოს თავდაცვის სამინისტროს „ცოდნის კვირეულის“ ფარგლებში შემეცნებით-საგანმანათლებლო ცენტრში ეროვნული თავდაცვის აკადემიის მიერ გამოცემული წიგნების გამოფენა და სამინისტროში წარმოებული კვლევების პრეზენტაცია გაიმართა.

დღეს, ეროვნული თავდაცვის აკადემიის სამეთაურო-საშტაბო სკოლაში სტუმრად იმყოფებოდნენ კასპიის სტრატეგიის ინსტიტუტის წარმომადგენლები გენერალური მდივანი ბატონი ჰალდუნ იავაში, უმაღლესი საკონსულტაციო საბჭოს თავმჯდომარე, ბატონი ჰალილ აკინძი, კასპიის რეგიონის კოორდინატორი, ქალბატონი ქემალ ფაშაევა და ჰასენის ცენტრის ენერგეტიკის ექსპერტი და სტრატეგიისა და პოლიტიკის კოორდინატორი, დოქტორი რუჩჰან კაია.

ეროვნული თავდაცვის აკადემიის სამეთაურო-საშტაბო სკოლის მსმენელები სასწავლო ცენტრ “კრწანისში” გადიან ბრიგადის დონის სამ ეტაპიან სწავლებას, რომელიც მოიცავს მექანიზირებული ბრიგადის კონტრშეტევის ოპერაციის დაგეგმვას, გათამაშებასა და აღსრულებას. აღნიშნული სწავლების მიზანია ბრიგადის დონეზე საბრძოლო ფუნქციების ინტეგრირება და მართვის სისტემების სინქრონიზაცია. 

დღეს ეროვნულ თავდაცვის აკადემიაში სტუმრად იმყოფებოდნენ ტორონტოს უნივერსიტეტის სტუდენტები და მათი ლექტორი ბატონი რობერტ ოსტინი. აკადემიის კაპიტნის საკარიერო სკოლის უფროსმა ვიცე-პოლკოვნიკმა დავით ჩხეტიანმა  სტუმრებს საქართველოს შეიარაღებული ძალების ზოგადი სტრუქტურა, აკადემიის საქმიანობა, არსებული საგანმანათლებლო პროგრამები და სკოლები გააცნო.

თავდაცვის მინისტრი საგამოფენო ცენტრ „ექსპო-ჯორჯიაში“ საერთაშორისო საგანმანათლებლო გამოფენას ეწვია. თინათინ ხიდაშელი აბიტურიენტებს შეხვდა და მათ გამოფენაზე წარმოდგენილი დავით აღმაშენებლის სახელობის ეროვნული თავდაცვის აკადემიის (ეთა) შესახებ ინფორმაცია პირადად მიაწოდა.