2024 წლის 28 თებერვალს, დავით აღმაშენებლის სახელობის საქართველოს ეროვნულ თავდაცვის აკადემიას გაცნობითი ვიზიტით სტუმრობდნენ ნატო-ს ძირითადი ჯგუფი და ნატო-საქართველოს არსებითი პაკეტის (SNGP)  ექსპერტები, რომლებსაც აკადემიის რექტორმა ბრიგადის გენერალმა მამია ბალახაძემ უმასპინძლა.

დავით აღმაშენებლის სახელობის საქართველოს ეროვნული თავდაცვის აკადემიის ხელმძღვანელობამ, პირადმა შემადგენლობამ და იუნკერებმა ოკუპაციის კვირეულის ფარგლებში 1921 წელს საბჭოთა ოკუპაციის წინააღმდეგ ბრძოლაში დაღუპული გმირები გაიხსენეს. ეროვნული თავდაცვის აკადემიის რექტორმა, ბრიგადის გენერალმა მამია ბალახაძემ სამხედრო მოსამსახურეებთან ერთად თავდაცვის აკადემიაში მდებარე გმირთა მემორიალი გვირგვინით შეამკო. აკადემიის კაპელანმა დეკანოზმა დავით კასრაძემ კი, დაღუპული ქართველი მებრძოლების სულის მოსახსენიებელი პანაშვიდი გადაიხადა.

2024 წლის 12-16 თებერვალს, ეროვნული თავდაცვის აკადემიის რექტორი ბრიგადის გენერალი მამია ბალახაძე თანმხლებ პირებთან ერთად სამუშაო ვიზიტით იმყოფებოდა ნორვეგიის თავდაცვის უნივერსიტეტის კოლეჯში, რომელთანაც აკადემიას მჭიდრო თანამშრომლობა აკავშირებს, როგორც გაცვლითი პროგრამების ფარგლებში, ასევე დისტანციური სწავლების განვითარების მიმართულებით.

საქართველოს განათლების, მეცნიერებისა და ახალგაზრდობის სამინისტროს და სსიპ - შოთა რუსთაველის საქართველოს ეროვნული სამეცნიერო ფონდის ორგანიზებით ჩატარდა მეცნიერ ქალთა და გოგონათა საერთაშორისო დღისადმი მიძღვნილი საზეიმო  ღონისძიება.  შეხვედრას  ესწრებოდნენ საქართველოს სხვადასხვა საგანმანათლებლო დაწესებულებებისა და სამეცნიერო ცენტრების მიერ წარმოდგენილი კანდიდატები.

2024 წლის 18 იანვრიდან 9 თებერვლის ჩათვლით, ეროვნული თავდაცვის აკადემიას, სტაჟირების პროგრამის ფარგლებში სტუმრობდა საფრანგეთის სენ-სირის სპეციალური სამხედრო სკოლის სამი კადეტი.