დღეს, ეროვნული თავდაცვის აკადემიაში გაცნობითი სახის ვიზიტით სტუმრად იმყოფებოდნენ საფრანგეთის რესპუბლიკის ელჩი, ბატონი დიეგო კოლასი და თავდაცვის ატაშე, ვიცე-პოლკოვნიკი ფრედერიკ კამპოსი.

ეროვნული თავდაცვის აკადემიაში ლექცია/პრეზენტაციის ფარგლებში იუნკერთა სასწავლო ბატალიონის IV კურსის იუნკერებისა და უმცროს ოფიცერთა მომზადების სკოლის საკანდიდატო კურსის მსმენელებისთვის საქართველოს თავდაცვის ძალებისა და მისი სტრუქტურული ერთეულების გაცნობა მიმდინარეობს.

ეროვნული თავდაცვის აკადემიაში საახალწლო ღონისძიება გაიმართა. საახალწლო ღონისძიება გაიხსნა აკადემიის შიდა ჩემპიონატით ინტელექტუალურ თამაშში ,,რა? სად? როდის?“. დღის განმავლობაში აკადემიის რექტორმა, ბრიგადის გენერალმა მამია ბალახაძემ დაჭრილ-დაშავებულ სამხედრო მოსამსახურეებს უმასპინძლა და საახალწლო საჩუქრები გადასცა. საახალწლო საჩუქრები ასევე გადაეცა საყოფაცხოვრებო მომსახურებისა და ტექნიკური მომსახურების ჯგუფის პერსონალს.

დღეს, დავით აღმაშენებლის სახელობის საქართველოს ეროვნული თავდაცვის აკადემიასა და შავი ზღვის საერთაშორისო უნივერსიტეტს შორის თანამშრომლობის მემორანდუმი განახლდა.  

მიმდინარე წლის 9 დეკემბერს ეროვნული თავდაცვის აკადემიაში სტუდენტური კონფერენცია ,,პოსტკრიზისული პანდემიური პერიოდის გამოწვევები 2021'' გაიმართა, რომელიც ბაკალავრიატის ხელმძღვანელმა, ვიცე-პოლკოვნიკმა ზურაბ ზერეკიძემ გახსნა.