ეროვნული თავდაცვის აკადემიის იუნკერთა ბატალიონის მესამე კურსის იუნკერები 6 თებერვლიდან 19 თებერვლამდე გადიან პრაქტიკულ საველე სწავლებას „საერთო საჯარისო ტაქტიკა“. 

საქართველოსა და საფრანგეთის თავდაცვის სამინისტროებს შორის არსებული ორმხრივი ხელშეკრულების ფარგლებში, ეროვნულ თავდაცვის აკადემიაში 16 იანვრიდან 9 თებერვლამდე სტაჟირება გაიარა სენ-სირის სამხედრო სკოლის ოთხმა კადეტმა. გაცვლითი პროგრამის ფარგლებში, ფრანგი ლეიტენანტები ინგლისური და რუსული ენების კურსებს ესწრებოდნენ.

დღეს, „სპიკერების პროგრამის“ ფარგლებში, ატლანტიკური საბჭოს მკვლევარმა, საქართველოს საზოგადოებრივ საქმეთა ინსტიტუტის ლექტორმა და აკადემიის სამეთაურო-საშტაბო კოლეჯის ინსტრუქტორმა, ბატონმა ზურაბ აგლაძემ ეროვნული თავდაცვის აკადემიის III და IV კურსის იუნკერებისთვის ლექცია წაიკითხა თემაზე: „საქართველოს გეოპოლიტიკური მდგომარეობა და ნატო-საქართველოს ურთიერთობა“.

ეროვნული თავდაცვის აკადემიის სამეთაურო-საშტაბო კოლეჯის სამეთაურო-საშტაბო კურსის მსმენელები სასწავლო ცენტრ “კრწანისი”-ს გაერთიანებული კონფლიქტებისა და ტაქტიკური სიმულაციების სასწავლო ცენტრში გადიან ბატალიონის დონის ორ ეტაპიან სიმულაციურ სწავლებას, რომელიც მოიცავს წინასწარ დაგეგმილი რაიონული თავდაცვის ოპერაციების გათამაშებასა და აღსრულებას.

საქართველოს თავდაცვის მინისტრის ბრძანებით, ეროვნული თავდაცვის აკადემიის კომენდანტის თანამდებობა ვიცე-პოლკოვნიკმა ზეზვა ლიპარტელიანმა დაიკავა.