დღეს, ეროვნულ თავდაცვის აკადემიაში სტუმრად იმყოფებოდნენ არაკომერციული ორგანიზაცია „რანდი“-ს ექსპერტები საკადრო პოლიტიკის საკითხებში. აღნიშნული ორგანიზაცია  სამთავრობო უწყებებს ეხმარება საფუძვლიან კვლევასა და ანალიზზე დაფუძნებით გააუმჯობესონ მათი  პოლიტიკა.

დღეს, ეროვნული თავდაცვის აკადემიის საბაკალავრო სკოლაში სასწავლო წელი დაიწყო. იუნკერებს დღევანდელი დღე აკადემიის რექტორმა, ბატონმა ზურაბ აგლაძემ, რექტორის მოადგილემ, ბატონმა ერეკლე ჩიგოგიძემ და საბაკალავრო სკოლის დირექტორმა, ქალბატონმა მანანა მაღრაძემ მიულოცეს.

საჯარო სამართლის იურიდიული პირი - დავით აღმაშენებლის სახელობის საქართველოს ეროვნული თავდაცვის აკადემია (ა(ა)იპ - „სპორტული კლუბი არმია“ დამფუძნებელი) აცხადებს საჯარო კონკურსს არასამეწარმეო (არაკომერციული) იურიდიული პირის - „სპორტული კლუბი არმიას“ ქვეყნის შიდა და საერთაშორისო საკალათბურთო სპორტულ ტურნირებში მონაწილეობის უფლების გადაცემის შესახებ.

ეროვნულ თავდაცვის აკადემიასა და ნატოს სამხედრო განათლების განვითარების პროგრამას (DEEP) შორის შეთანხმებული სამოქმედო გეგმის ფარგლებში, ეროვნული თავდაცვის აკადემიის პროფესიული განვითარების ცენტრში აკადემიის სამხედრო ინსტრუქტორებისთვის ტარდება სამდღიანი სწავლება, თემაზე: „ასიმეტრიული ომი“.