ეროვნული თავდაცვის აკადემიას სტუმრობდა აშშ-ს საზღვაო აკადემიის დელეგაცია ხუთი კადეტის და ორ თანმხლები პირის შემადგენლობით. ვიზიტის პროგრამა დატვირთული იყო სხვადასხვა სამხედრო, აკადემიური, სპორტული და კულტურული აქტივობებით, რომლებშიც კადეტებთან ერთად, ასევე ჩართულნი იყვნენ აკადემიის იუნკერები.

რუმინეთის ნიკოლაე ბალჩესკუს სახელობის სამხედრო აკადემიაში ჩატარდა საერთაშორისო კვირეული, რომელშიც მონაწილეობა მიიღეს ეროვნული თავდაცვის აკადემიის წარმომადგენლებმა, კვირეულს ესწრებოდნენ შვიდი ქვეყნის უმაღლესი სამხედრო-საგანმანათლებლო დაწესებულება.

ეროვნული თავდაცვის აკადემიას   ივნისის თვეში იტალიის გაერთიანებული ძალების კოლეჯის მაღალი დონის კურსის  სტუდენტები ესტუმრნენ, სტუმრებს თან ახლდა თავდაცვის ატაშე ესპანეთის სამეფოსა და იტალიის რესპუბლიკაში,  პოლკოვნიკი გიორგი  ბაბუნაშვილი,  მათ აკადემიის რექტორის პირველმა მოადგილემ, პოლკოვნიკმა ლევან ქავთარაძემ უმასპინძლა.

ეროვნული თავდაცვის აკადემიაში ქართულ-ამერიკული სკოლის, ქარელის რაიონის სოფელი ძლევიჯვარის და ხაშურის რაიონის სოფელი ვაყის  მოსწავლეების ვიზიტი განხორციელდა.

მიმდინარე წლის  ივნისის თვეში, ეროვნული თავდაცვის აკადემიის დელეგაცია, აკადემიის რექტორის, ბრიგადის გენერალ მამია ბალახაძის ხელმძღვანელობით, იმყოფებოდა იტალიის სამხედრო აკადემიაში, ქ. მოდენა.