საქართველოში ოფიციალური ვიზიტით მყოფი, დანიის სამეფოს თავდაცვის ატაშე, პოლკოვნიკი იენს ერიკ ჰიორტსი თანმხლებ პირებთან ერთად, 18 მაისს ეროვნული თავდაცვის აკადემიას ესტუმრა. დანიის სამეფოს დელეგაციას აკადემიის ხელმძღვანელობამ უმასპინძლა. აღსანიშნავია ის ფაქტი, რომ დანიის სამეფოს თავდაცვის ატაშეს ვიზიტი, ეროვნული თავდაცვის აკადემიაში, პირველად განხორციელდა. სამუშაო შეხვედრები გაიმართა ასევე J -5 სტრატეგიული დაგეგმვის დეპარტამენტში, ეროვნულ გვარდიასა და წვრთნებისა და სამხედრო განათლების სარდლობაში.

მიმდინარე წლის 9-13 მაისს ესტონეთში, ქ. ტალინში ნატო-ს თავდაცვის კოლეჯისა და ბალტიის თავდაცვის კოლეჯის ერთობლივი ორგანიზებით დაგეგმილი ,,52-ე კომენდანტების კონფერენცია'' გაიმართა. კონფერენციას ეროვნული თავდაცვის აკადემიის რექტორი, ბრიგადის გენერალი მამია ბალახაძე და ბაკალავრიატის ხელმძღვანელი, პოლკოვნიკი ზურაბ ზერეკიძე დაესწრნენ.

ეროვნული თავდაცვის აკადემიაში გაცნობითი სახის ვიზიტით სტუმრად იმყოფებოდნენ აშშ-ის ნორვიჩის უნივერსიტეტის კადეტები, თანმხლებ პირებთან ერთად.

მიმდინარე წლის 4 მაისს ეროვნული თავდაცვის აკადემიაში გაიმართა სტუდენტური კონფერენცია სექციური პრინციპით, რომელიც მოიცავდა შემდეგ მიმართულებებს: ინფორმატიკა - ინფორმაციული ტექნოლოგიები, გამოწვევები ტენდენციები; 21-ე საუკუნის კონფლიქტები ევრაზიის კონტინენტზე; გამოწვევები, პერსპექტივები და მიღწევები ეკონომიკასა და მართვაში; თანამედროვე საინჟინრო ტექნოლოგიები.

ეროვნული თავდაცვის აკადემიამ, 3 და 4 მაისს, სსიპ - გენერალ გიორგი კვინიტაძის სახელობის კადეტთა სამხედრო ლიცეუმის მეორე სასწავლო კურსის კადეტებს უმასპინძლა.