2023 წლის 24 ნოემბრიდან 1 დეკემბრის ჩათვლით აშშ-ის შტატ ფლორიდაში, კერძოდ ორლანდოში გაიმართა სამსახურთაშორისი/ინდუსტრიული სწავლების, სიმულაციისა და განათლების კონფერენცია (I/ITSEC). აღნიშნული კონფერენცია მსოფლიოში უდიდეს მოდელირების, სიმულაციებისა და სწავლების ღონისძიებას წარმოადგენს, რომელსაც დაესწრნენ ეროვნული თავდაცვის აკადემიის რექტორის მოადგილე პოლკოვნიკი დავით რაზმაძე და დისტანციური სწავლების ცენტრის მთავარი სპეციალისტი სალომე პოპიაშვილი.

დავით აღმაშენებლის სახელობის საქართველოს ეროვნული თავდაცვის აკადემიის სამეცნიერო კვლევით ცენტრის ორგანიზებით გაიმართა საერთაშორისო სტუდენტური კონფერენცია.

18 ნოემბრიდან 3 დეკემბრის ჩათვლით სსიპ - დავით აღმაშენებლის სახელობის საქართველოს ეროვნული თავდაცვის აკადემიის იუნკერთა სასწავლო ბატალიონის მეოთხე კურსის იუნკერები ლუკა ჯანაშვილი და ნიკოლოზ რაზმაძე გაცვლითი პროგრამების ურთიერთთანამშრომლობის ფარგლებში იმყოფებოდნენ  ლატვიის რესპუბლიკაში, ქ. რიგაში ლატვიის ეროვნულ თავდაცვის აკადემიაში, სადაც ორი კვირის განმავლობაში CMO სწავლების ფარგლებში (კრიზისების მართვის ოპერაციები) ჩაუტარდათ თეორიული და საველე პრაქტიკული სწავლებები. 

დავით აღმაშენებლის სახელობის საქართველოს ეროვნული თავდაცვის აკადემიის სამეცნიერო კვლევით ცენტრის ორგანიზებით გაიმართა სამხედრო სამეცნიერო კონფერენცია.

დავით აღმაშენებლის სახელობის საქართველოს ეროვნული თავდაცვის აკადემიაში დამატებით სამხედრო საინჟინრო დაბრკოლებათა ველი მოეწყო, რომელიც საშუალებას აძლევს აკადემიის მსმენელებსა და იუნკერებს კიდევ უფრო მეტად დახვეწონ საველე-სამხედრო სწავლებების უნარ-ჩვევები. საინჟინრო დაბრკოლებათა ველზე მსმენელთა და იუნკერთა მიერ განხორციელებულ სამხედრო სასწავლო აქტივობას დაესწრო აკადემიის რექტორი ბრიგადის გენერალი მამია ბალახაძე აკადემიის ხელმძღვანელ პირებთან ერთად.