მიმდინარე წლის სექტემბრიდან გრძელდება ეროვნული თავდაცვის აკადემიის მიერ ორგანიზებული ფასიანი სერტიფიცირებული ტრენინგ-კურსები.

სსიპ - დავით აღმაშენებლის სახელობის საქართველოს ეროვნული თავდაცვის აკადემიაში, აკადემიის მაგისტრატურის კურსდამთავრებულთა მეხუთე გამოშვების ცერემონიალი გაიმართა.

ეროვნული თავდაცვის აკადემიის სასწავლო ბატალიონის მეორე კურსის იუნკერებს მიმდინარე თვის განმავლობაში ჩაუტარდათ საველე სწავლებები და ზაფხულის საბაზისო კურსი.

ეროვნული თავდაცვის აკადემიაში საბაკალავრო ნაშრომების დაცვა დასრულდა. იუნკერებმა კომისიის წევრებს წარუდგინეს ნაშრომები თავდაცვა და უსაფრთხოების, მენეჯმენტის და ინფორმატიკის საბაკალავრო საგანმანათლებლო პროგრამების მიმართულებით.

დავით აღმაშენებლის სახელობის საქართველოს ეროვნული თავდაცვის აკადემიამ ახალქალაქის მუნიციპალიტეტის საჯარო სკოლების მოსწავლეებს უმასპინძლა. ვიზიტის ფარგლებში, მოსწავლეები აკადემიის ხელმძღვანელ პირებს შეხვდნენ და აკადემიის ამოცანებს გაეცნენ. ერთი კვირის განმავლობაში, მოზარდებმა სპორტულ, კულტურულ, საგანმანათლებლო ღონისძიებებსა და შემეცნებით კონკურსებში მიიღეს მონაწილეობა. მათთვის განსაკუთრებით საინტერესო აღმოჩნდა საცეცხლე მომზადების თეორიული და პრაქტიკული გაკვეთილები, ასევე სიმულაციური სროლები. ახალგაზრდებმა საკუთარი შესაძლებლობები ინტელექტუალურ თამაშშიც - ,,რა? სად? როდის?'' გამოსცადეს. აკადემიაში სტუმრობის ფარგლებში, მოზარდებმა მოინახულეს სოფელ შინდისში დაღუპულ გმირთა მემორიალი, ასევე იმყოფებოდნენ უფლისციხის მუზეუმ-ნაკრძალში და ჰქონდათ შთამბეჭდავი ერთდღიანი საველე გასვლა ატენის ხეობაში.