აკადემიაში სამეცნიერო-პრაქტიკული კონფერენცია „კომუნიკაციის როლი მართვის პროცესში და მისი ფსიქოლოგიური ასპექტები“ გაიმართა. ღონისძიება ეროვნული თავდაცვის აკადემიის სამეცნიერო-კვლევითი ცენტრის უფროსმა, პოლკოვნიკმა გიორგი ლაღიაშვილმა მისასალმებელი სიტყვით გახსნა.

ეროვნული თავდაცვის აკადემიაში საბაკალავრო ნაშრომების დაცვა დასრულდა. იუნკერებმა კომისიის წევრებს წარუდგინეს ნაშრომები მენეჯმენტის, თავდაცვა და უსაფრთხოების და ინფორმატიკის საბაკალავრო საგანმანათლებლო პროგრამების მიმართულებით.

20 ივლისს ეროვნული თავდაცვის აკადემიაში გაიმართა სამეცნიერო-პრაქტიკული კონფერენცია „ეროვნული უსაფრთხოების აქტუალური საკითხები''. კონფერენცია გახსნა აკადემიის რექტორის მოადგილემ, პოლკოვნიკმა დავით რაზმაძემ; მონაწილეებს სიტყვით მიმართა მაგისტრატურის ხელმძღვანელმა, ვიცე-პოლკოვნიკმა იოსებ ჯაფარიძემ. ღონისძიებას ესწრებოდნენ საქართველოს თავდაცვის ძალების, სხვადასხვა უმაღლესი საგანმანათლებლო დაწესებულების და სახელმწიფო უწყების წარმომადგენლები.

ეროვნული თავდაცვის აკადემიაში თავდაცვის ანალიზის 2020-2022 წლის სამაგისტრო პროგრამის კურსდამთავრებულთა გამოშვების ღონისძიება გაიმართა, რომელიც მისასალმებელი სიტყვით აკადემიის რექტორმა, ბრიგადის გენერალმა მამია ბალახაძემ გახსნა. ღონისძიების მონაწილეებს სიტყვით მიმართეს მაგისტრატურის ხელმძღვანელმა, ვიცე-პოლკოვნიკმა იოსებ ჯაფარიძემ და თავდაცვის ანალიზის მიმართულების ხელმძღვანელმა, პროფესორმა ნიკოლოზ სამხარაძემ.

პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში „სამთო მომზადების ზაფხულის საბაზისო კურსის“ დახურვის ცერემონია გაიმართა. სასწავლო პროგრამა დავით აღმაშენებლის სახელობის საქართველოს ეროვნული თავდაცვის აკადემიის მეორე კურსის იუნკერებმა წარმატებით დაასრულეს.