დღეს, ეროვნულ თავდაცვის აკადემიასა და ილიას სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა. 

საქართველოს შეიარაღებული ძალების გენერალური შტაბის ჯარების ლოგისტიკური უზრუნველყოფის სარდალი, პოლკოვნიკი იოსებ ლოლაძე, დღეს, აკადემიის სასწავლო ბატალიონის იუნკერებს ჯარების ლოგისტიკური უზრუნველყოფის სარდლობის ისტორიის, სტრუქტურის, ფუნქცია-მოვალეობებისა და სარდლობის ამოცანების შესახებ ესაუბრა.  

ეროვნული თავდაცვის აკადემიის სასწავლო ბატალიონის მეორე კურსის იუნკერები 30 აპრილიდან 4 მაისის ჩათვლით პრაქტიკულ საველე სწავლებას გადიან.

ეროვნულ თავდაცვის აკადემიასა და საქართველოს სტრატეგიისა და საერთაშორისო ურთიერთობების კვლევის ფონდს (რონდელის ფონდი) შორის არსებული მემორანდუმის ფარგლებში დღეს, აღმოსავლეთმცოდნე, ისტორიის მეცნიერებათა დოქტორმა და რონდელის ფონდის მკვლევარმა, ბატონმა ზურაბ ბატიაშვილმა აკადემიის თავდაცვისა და უსაფრთხოების საბაკალავრო პროგრამის მეოთხე კურსის იუნკერებისთვის ლექცია სირიის კონფლიქტის შესახებ წაიკითხა.

ეროვნულ თავდაცვის აკადემიაში გაცნობითი ვიზიტით გენერალ იუნას ზიმაიტის სახელობის ლიტვის სამხედრო აკადემიის რექტორი, ბრიგადის გენერალი ალგის ვაიჩელიუნასი იმყოფებოდა.