საქართველოში ორდღიანი ვიზიტით აშშ-ის ევროპული სარდლობის მთავარი სერჟანტი როი მედოქსი იმყოფება. ამერიკელ სტუმარს საქართველოს შეიარაღებული ძალების მთავარი სერჟანტი ალუდა კოპალიანი მასპინძლობს. დღეს, აშშ-ის ევროპული სარდლობის  მთავარი სერჟანტი დავით აღმაშენებლის სახელობის საქართველოს ეროვნულ თავდაცვის აკადემიას ესტუმრა.

საქართველოს შეიარაღებული ძალების მეგობართა საზოგადოების ფორმატში, პირველი შეხვედრა დღეს, ეროვნულ თავდაცვის აკადემიაში გაიმართა.  საქართველოს თავდაცვის მინისტრმა ირაკლი ალასანიამ და მისმა მოადგილემ თამარ ქაროსანიძემ უმაღლეს სამხედრო სასწავლებელში საქართველოს ეროვნული მუზეუმის გენერალურ დირექტორს დავით ლორთქიფანიძეს უმასპინძლეს.

დავით აღმაშენებლის სახელობის საქართველოს ეროვნულ თავდაცვის აკადემიაში აკადემიის 20 წლის იუბილესადმი მიძღვნილი სამეცნიერო ტექნიკური კონფერენცია გაიხსნა. კონფერენციას აკადემიამ უკვე მეორედ უმასპინძლა. მასში საქართველოს ცხრა სხვადასხვა უმაღლესი სასწავლებლის პროფესორ–მასწავლებლები, სტუდენტები და აკადემიის მსმენელები მონაწილეობდნენ.

დავით აღმაშენებლის სახელობის საქართველოს  ეროვნულ თავდაცვის აკადემიას აშშ–ის ჩრდილო ალაბამას უნივერსიტეტის სამხედრო მეცნიერებათა პროფესორი, ვიცე–პოლკოვნიკი მაიკლ სნაიდერი ესტუმრა. მაიკლ სნაიდერს და თავდაცვის სფეროში თანამშრომლობის ოფისის წარმომადგენელს, მაიორ კოლინ ტომფსონს აკადემიის რექტორმა  ზურაბ აგლაძემ უმასპინძლა. 

დავით აღმაშენებლის სახელობის საქართველოს ეროვნულ თავდაცვის აკადემიაში „საქართველოს ისტორიის“ სახელმძღვანელოს პრეზენტაცია გაიმართა. წიგნი მოიცავს საქართველოს მრავალსაუკუნოვან ისტორიას, უძველეს პერიოდს და ასევე უახლესი ისტორიის ძირითად მოვლენებს.