ეროვნულ თავდაცვის აკადემიაში გაცნობითი ვიზიტით იმყოფებოდნენ ადიგენის რაიონის სოფელ არალის საჯარო სკოლის მოსწავლეები. საინფორმაციო შეხვედრაზე ხარისხის უზრუნველყოფის სამსახურის უფროსის მოადგილემ, ქალბატონმა მარიამ დარბაიძემ მოსწავლეებს არსებული საგანმანათლებლო პროგრამები, მიღების პირობები და გაცვლითი პროგრამები გააცნო. ვიზიტის ფარგლებში, საქართველოს შეიარაღებული ძალების ცნობადობის ამაღლების მიზნით სასწავლო ბატალიონის მეოთხე კურსის უფროსის მოადგილე, უფროსი ლეიტენანტი გიორგი ქავთარაძე სტუმრებს ქვეყნის სტაბილურობასა და აღმშენებლობაში საქართველოს შეიარაღებული ძალების როლზე ესაუბრა.

ეროვნულ თავდაცვის აკადემიაში მიმდინარე წლის 28 მაისიდან  20 ივნისის ჩათვლით მიმდინარეობს აბიტურიენტთა შესარჩევი ტური, რომელიც მოიცავს ფიზიკურ, სამედიცინო და ფსიქოლოგიურ შემოწმებას.

ეროვნულ თავდაცვის აკადემიაში დღეს, ორდღიანი სამეცნიერო კონფერენცია დასრულდა, რომელიც საქართველოს დამოუკიდებლობის აღდგენის 100 წლის თავს ეძღვნებოდა. ორი დღის განმავლობაში სამეცნიერო კონფერენციაში ეროვნული თავდაცვის აკადემიის იუნკერებთან ერთად მონაწილეობას იღებდნენ ივანე ჯავახიშვილის სახელობის თბილისის სახელმწიფო უნივერსიტეტის, პაატა გუგუშვილის სახელობის ეკონომიკის ინსტიტუტის, საქართველოს საზოგადოებრივ საქმეთა ინსტიტუტის, ახალი ეკონომიკური სკოლის "საქართველო", თბილისის სასწავლო უნივერსიტეტისა და გურამ თავართქილაძის სახელობის თბილისის სასწავლო უნივერსიტეტის წარმომადგენლები.

დღეს, ეროვნულ თავდაცვის აკადემიაში ჩეხეთის საჰაერო ძალების ვიცე-პოლკოვნიკი მაგდალენა დვორაკოვა იმყოფებოდა, რომელიც ძირითადად გენდერული უსაფრთხოების საკითხებზე მუშაობს.

სპიკერების​ პროგრამის ფარგლებში დღეს, ეროვნულ თავდაცვის აკადემიაში სტუმრად იმყოფებოდა საქართველოს შეიარაღებული ძალების გენერალური შტაბის წვრთნებისა და სამხედრო განათლების სარდლობის ნატო-საქართველოს წვრთნებისა და შეფასების ერთობლივი ცენტრის (JTEC) მეთაური, პოლკოვნიკი გრიგოლ ჭელიძე.