დღეს, ეროვნულ თავდაცვის აკადემიაში სასწავლო ბატალიონის მეოთხე კურსის იუნკერების საბაკალავრო ნაშრომების დაცვა მიმდინარეობს. ოთხი დღის განმავლობაში იუნკერები კომისიის წევრებს წარუდგენენ ნაშრომებს ინფორმატიკისა და მენეჯმენტის მიმართულებებით.

დღეს, ეროვნულ თავდაცვის აკადემიაში 2008 წლის აგვისტოს ომში გმირულად დაღუპული სამხედრო მოსამსახურეები გაიხსენეს. აკადემიის ხელმძღვანელობამ შინდისში დაღუპული სამხედრო მოსამსახურეებისა და აკადემიის ტერიტორიაზე არსებული მემორიალები გვირგვინით შეამკეს და დაღუპული გმირების ხსოვნას წუთიერი დუმილით პატივი მიაგეს. 

დასრულდა სამოქალაქო თანასწორობის საკითხებში საქართველოს სახელმწიფო მინისტრის აპარატის, განათლებისა და მეცნიერების სამინისტროს, საქართველოს გაეროს ასოციაციისა და ეროვნული თავდაცვის აკადემიის წარმომადგენლებით შემდგარი შესარჩევი კომისიის მიერ სტაჟირების გავლის მიზნით შერჩეული ხუთი აპლიკანტის სტაჟირება.

თავდაცვის მინისტრი სამეთაურო-საშტაბო კურსის რიგით მეექვსე გამოშვების ცერემონიალს დაესწრო საქართველოს თავდაცვის მინისტრი ლევან იზორია დავით აღმაშენებლის სახელობის საქართველოს ეროვნული თავდაცვის აკადემიის სამეთაურო-საშტაბო კურსის რიგით მეექვსე გამოშვების ცერემონიალს დაესწრო. ლევან იზორიამ მსმენელებს სამეთაურო-საშტაბო კურსის (CGS) წარმატებით დასრულება მიულოცა და სამხედრო კარიერაში წინსვლა უსურვა. 

ეროვნული თავდაცვის აკადემიის ენობრივი მომზადების სკოლაში, ხარისხის უზრუნველყოფის სამსახურის ორგანიზებით, ტარდება სამდღიანი სემინარი თემაზე „ეფექტური სწავლება“, რომლის მიზანია პედაგოგების გადამზადება და სწავლების თანამედროვე მეთოდებისა და ეფექტური შეფასების სისტემის დანერგვა.