დღეს, ივანე ჯავახიშვილის სახელობის თბილისის სახელმწიფო უნივერსიტეტის რექტორმა ვლადიმერ პაპავამ სამეთაურო-საშტაბო სკოლის მსმენელებს ლექცია ჩაუტარა, რომლის ძირითადი თემები ქართული ეკონომიკის პერსპექტივები მომდევნო 20 წლის განმავლობაში, ქვეყანაში არსებული პოლიტიკური მოვლენების ზეგავლენა ქართულ ეკონომიკაზე, ანტიმონოპოლიური კანონის მიღების აუცილებლობა და საქართველოში არსებული ექსპორტ-იმპორტის მდგომარეობა იყო. 

 დღეს, ეროვნული თავდაცვის აკადემიაში I და II კურსის 258 იუნკერმა სამხედრო ფიცი მიიღო. სამხედრო ფიცის მიღებამდე იუნკერებმა და მოწვეულმა სტუმრებმა წუთიერი დუმილით პატივი მიაგეს საქართველოს ერთიანობისთვის ბრძოლისა და სამსახურებრივი მოვალეობის შესრულების დროს დაღუპული ქართველი სამხედრო მოსამსახურეების ხსოვნას. 

დღეს, ეროვნულ თავდაცვის აკადემიას საქართველოს სტრატეგიისა და საერთაშორისო ურთიერთობების კვლევის ფონდის პრეზიდენტი ალექსანდრე რონდელი ესტუმრა. ბატონმა ალექსანდრემ კაპიტნის საკარიერო სკოლის მსმენელებს ლექცია ჩაუტარა, რომლის თემა საქართველო და რეგიონალური უსაფრთხოება იყო.

დღეს, სამეთაურო-საშტაბო სკოლას ფილოლოგიის მეცნიერებათა დოქტორი ავთანდილ არაბული ესტუმრა. ბატონმა ავთანდილმა სამეთაურო-საშტაბო სკოლის მსმენელებს ჩაუტარა ლექცია ქართული ენის ისტორიის შესახებ. ლექციის მსვლელობისას მან ქართული ენის განვითარების ისტორიასა და შესაძლებლობებზე ისაუბრა.

დღეს, ეროვნული თავდაცვის აკადემიის წარმომადგენლებმა პარაოლიმპიადის ფედერაციასთან ერთად კიდევ ერთხელ მიიღეს მონაწილეობა ავღანეთის მისიაში მძიმედ დაჭრილი სამხედრო მოსამსახურეებისათვის გამართულ ჯომარდობაში, რომელიც ბორჯომში, კერძოდ ჩითახევში ჩატარდა. ჯომარდობაში მონაწილეობას იღებდა ეროვნული თავდაცვის აკადემიის სერჟანტი რაჟდენ ბასიშვილი.