24 ნოემბერს ეროვნული თავდაცვის აკადემიის ორგანიზებით გაიმართა საერთაშორისო სამეცნიერო-კვლევითი კონფერენცია ონლაინ ფორმატში. კონფერენცია გაშლილი იყო ორი მიმართულებით: „ახალი ტექნოლოგიების როლი და მნიშვნელობა შეიარაღებულ კონფლიქტებში“ და „კონფლიქტების ანალიზი: პოლიტიკურ -ფსიქოლოგიური და სოციალურ-ეკონომიკური ასპექტები“.

ეროვნული თავდაცვის აკადემიაში სერჟანტთა სამხედრო სამეცნიერო-პრაქტიკული კონფერენცია ,,სერჟანტთა კორპუსის როლი საქართველოს სამხედრო კონფლიქტებში: წარსულის გაკვეთილები და მიმდინარე გამოწვევები'' გაიმართა.

2021 წლის 9 დეკემბერს ეროვნული თავდაცვის აკადემიაში გაიმართება სტუდენტური კონფერენცია ,,პოსტკრიზისული პანდემიური პერიოდის გამოწვევები 2021''.

ეროვნული თავდაცვის აკადემიის რექტორის ბრიგადის გენერალ მამია ბალახაძის ინიციატივით და აკადემიის სტრუქტურული ერთეულების ხელმძღვანელების ჩართულობით, აკადემიის საკონფერენციო სივრცეში გაიხსნა ,,1993 წლიდან აკადემიადამთავრებული ოფიცრების“ საპატიო კუთხე, რომლებმაც ტერიტორიული მთლიანობისთვის ბრძოლაში და სამშვიდობო მისიების შესრულების დროს მიიღეს სხვადასხვა სახის დაზიანებები და დღემდე აგრძელებენ მსახურს საქართველოს თავდაცვის ძალებში.

ეროვნული თავდაცვის აკადემიის იუნკერთა სასწავლო ბატალიონის პირველი კურსის იუნკერთა და უმცროს ოფიცერთა მომზადების სკოლის საწყისი საბრძოლო მომზადების კურსდამთავრებულებმა სამხედრო ფიცი დადეს. ფიცის დადების ცერემონიალი უფლისციხის მუზეუმ-ნაკრძალის ტერიტორიაზე გაიმართა. სახელმწიფო ჰიმნის შესრულების შემდეგ იუნკერებმა, წვევამდელებმა და მოწვეულმა სტუმრებმა წუთიერი დუმილით პატივი მიაგეს სამსახურებრივი მოვალეობის შესრულების დროს დაღუპულ სამხედრო მოსამსახურეთა ხსოვნას. კურსდამთავრებულებს ფიცის მიღების მნიშვნელოვანი დღე ეროვნული თავდაცვის აკადემიის რექტორმა, ბრიგადის გენერალმა მამია ბალახაძემ მიულოცა.