დღეს, ეროვნულ თავდაცვის აკადემიაში გაცნობითი სახის ვიზიტით საქართველოს თავდაცვის სამინისტროს ახალი თანამშრომლები იმყოფებოდნენ. ვიზიტის ფარგლებში, სტუმრები აკადემიის ხელმძღვანელობას შეხვდნენ. მათ საშუალება მიეცათ გაცნობოდნენ აკადემიის ისტორიას, სტრუქტურასა და ზოგად საქმიანობას, ასევე საერთაშორისო ურთიერთობების კუთხით განხორციელებულ ღონისძიებებს.

დღეს, ეროვნულ თავდაცვის აკადემიაში გაცნობითი სახის ვიზიტით სსიპ - ქალაქ თბილისის 26-ე საჯარო სკოლის მოსწავლეები იმყოფებოდნენ. აკადემიის საბაკალავრო სკოლის იუნკერებმა მოსწავლეებისათვის პრეზენტაცია ჩაატარეს. 

ეროვნული თავდაცვის აკადემიის ოფიცერის მომზადების საკანდიდატო კურსის მსმენელებმა ვაზიანის სამხედრო პოლიგონზე გაიარეს ერთკვირიანი საველე-პრაქტიკული სწავლება. საველე გასვლა მიზნად ისახავს თეორიული ცოდნის პრაქტიკულ განხორციელებას.

დღეს დასრულდა ორდღიანი სემინარი თავდაცვის სფეროში მყოფი ყველა გენდერული მრჩევლისთვის, რომელიც საქართველოს თავდაცვის სამინისტროსა და შეიარაღებული ძალების დემოკრატიული კონტროლის ჟენევის ცენტრის (DCAF) თანამშრომლობის ფარგლებში გაიმართა.

დღეს, ეროვნულ თავდაცვის აკადემიაში ჩატარდა სწავლება გენდერულ თანასწორობასა და გაეროს უშიშროების საბჭოს № 1325, 1820, 1888, 1889 და 1960 რეზოლუციებთან დაკავშირებით, სადაც მონაწილეობას იღებდნენ საქართველოს თავდაცვის სამინისტროს გენდერული თანასწორობის მონიტორინგის ჯგუფის მიერ ჩატარებული გენდერული მრჩევლის არჩევნებში გამარჯვებული პირები.