დღეს, ეროვნულ თავდაცვის აკადემიაში დაიწყო ოფიცერთა მომზადების საკანდიდატო კურსზე მისაღები გამოცდები. გამოცდებში მონაწილეობას იღებს 148 სამოქალაქო პირი და 102 სამხედრო მოსამსახურე. მისაღები გამოცდების შედეგებიდან გამომდინარე აღნიშნულ კურსზე დაგეგმილია 150-მდე მსმენელის მიღება. 

ვაზიანის სამხედრო პოლიგონზე ეროვნული თავდაცვის აკადემიის მანევრის კაპიტნის საკარიერო კურსის მასშტაბური საველე სწავლება გაიმართა. წვრთნაში „პრაქტიკული საველე სიტუაციური სწავლება ძალების მიზიდვით“ ჩართული იყო პირველი ქვეითი ბრიგადის მე-12 ბატალიონის გაძლიერებული მოტორიზირებული ასეული. ეს ის ქვედანაყოფია, რომელიც ნატოს სწრაფი რეაგირების ძალებში (NRF) ჩასართავად ემზადება.

თავდაცვის უწყების თანამშრომლებისთვის ეროვნული უსაფრთხოებისა და დიპლომატიური კურსი დღეს ოფიციალურად დასრულდა. მსმენელებს კურსის წარმატებით დასრულება თავდაცვის მინისტრმა ირაკლი ალასანიამ მიულოცა და სერთიფიკატები გადასცა: „თავდაცვის სამინისტროსა და შეიარაღებული ძალების წარმომადგენლებმა უსაფრთხოების და დიპლომატიის კურსი დღეს დაამთავრეს. კურსი თავდაცვის სამინისტროს აკადემიასთან ერთად შეიმუშავა, მოამზადა და განახორციელა გეოპოლიტიკური კვლევების ცენტრმა.

ეროვნული თავდაცვის აკადემიის კომენდანტის მოვალეობის შემსრულებელი ვიცე-პოლკოვნიკი ვასილ კოპეიკინი ალგეთის საწვრთნელ ბაზას ესტუმრა და ადგილზე გაეცნო სამხედრო პოლიციის გადამზადების კურსის მიმდინარეობას. ზემოაღნიშნული კურსი მიმდინარე წლის 17 მარტს დაიწყო და 18 ივლისს დასრულდება.

ეროვნულ თავდაცვის აკადემიას შვეიცარიის კონფედერაციის საგანგებო და სრულუფლებიანი ელჩი საქართველოში გუნტერ ბეხლერი ესტუმრა. ბატონ ელჩს აკადემიის რექტორმა ზურაბ აგლაძემ უმასპინძლა. ვიზიტის ფარგლებში, ბატონმა გუნტერმა საბაკალავრო სკოლის იუნკერებს ლექცია ჩაუტარა მშვიდობის თემაზე. ლექციაზე განხილული იქნა დემოკრატიის, წარმატებული მმართველობისა და ეკონომიკური სტაბილურობის როლი მშვიდობის შენარჩუნებაში.