მე-4 მექანიზირებული ბრიგადის სამხედრო აეროდრომის მიმდებარე ტერიტორიაზე გაიმართა საბრძოლო წვრთნა - ბრძოლა დასახლებულ რაიონში, რომელშიც მონაწილეობა მიიღო ეროვნული თავდაცვის აკადემიის ქვეით ოფიცერთა მომზადების კურსმა. საველე გასვლა მიზნად ისახავს თეორიული ცოდნის პრაქტიკულ განხორციელებას. საველე-პრაქტიკული სწავლების ფარგლებში, ჩატარდა ტაქტიკური გადაადგილების, შენობის იზოლირების, შენობის გაწმენდის, დასახლებული პუნქტის დაცვისა და შეტევის ოპერაციები. 

ეროვნული თავდაცვის აკადემიის წარმომადგენლები 2014-2015 საბაკალავრო პროგრამაზე მიღებასთან დაკავშირებით ქალაქ თელავს ესტუმრნენ. ვიზიტის ფარგლებში, აკადემიის წარმომადგენლები ადგილობრივ აბიტურიენტებს შეხვდნენ და მათ აკადემიაში არსებული საგანმანათლებლო პროგრამები და მიღების პირობები გააცნეს. 

ეროვნულ თავდაცვის აკადემიას პარაოლიმპიელი ჩემპიონი ქენდის ქეიბლი ესტუმრა. ქალბატონი ქენდის ქეიბლი არის ერთ-ერთი წარმატებული ათლეტი მსოფლიოში. 1984-1990 წლებში იგი დასახელებული იყო, როგორც ნომერ პირველი - ეტლით რბოლაში. ვიზიტის ფარგლებში, სტუმარმა აკადემიის იუნკერებსა და ავღანეთის მისიაში დაჭრილ სამხედრო მოსამსახურეებს ლექცია ჩაუტარა.

დავით აღმაშენებლის სახელობის საქართველოს ეროვნულმა თავდაცვის აკადემიამ უმაღლესი და პროფესიული განათლების, საზღვარგარეთ სწავლისა და სტუდენტური სერვისების მე-4 საერთაშორისო გამოფენაში პირველად მიიღო მონაწილეობა. ორდღიანი გამოფენის ფარგლებში, ეთა-ს ხელმძღვანელებსა და წარმომადგენლებს მომავალ მსმენელებთან პირისპირ გასაუბრების საშუალება მიეცათ. 

ვაზიანის პოლიგონზე ჩატარდა ათეულის დონის სიტუაციური სწავლება, რომელშიც მონაწილეობა სასწავლო ბატალიონის მეორე კურსის იუნკერებმა მიიღეს. საველე გასვლა მიზნად ისახავს იუნკერების მიერ განვლილი მასალიდან მიღებული თეორიული ცოდნის პრაქტიკულ განხორციელებას. საველე სწავლების ფარგლებში იუნკერებს ჩაუტარდათ პრაქტიკული სროლები.