ეროვნულ სასწავლო ცენტრ „კრწანისის“ სიმულაციურ ცენტრში დასრულდა ეროვნული თავდაცვის აკადემიის სამეთაურო-საშტაბო სკოლის გეგმით გათვალისწინებული ბრიგადის ოპერაციების პრაქტიკული სწავლება. სამკვირიანი სწავლება შედგებოდა სამი ეტაპისგან - ზემდგომი შტაბის ბრძანების საფუძველზე დაგეგმვის პროცესი, რეპეტიციები და აღსრულება.

თავდაცვის სამინისტროში, დღეს, 1921 წელს დაღუპული იუნკერები გაიხსენეს. გენერალური შტაბის უფროსმა, გენერალ-მაიორმა ვახტანგ კაპანაძემ და თავდაცვის მინისტრის მოადგილემ, კახა ოქროჯანაშვილმა სამინისტროს ტერიტორიაზე აღმართული ქვაჯვარი გვირგვინით შეამკეს. ღონისძიებას თავდაცვის სამინისტროსა და შეიარაღებული ძალების სხვა ხელმძღვანელი პირებიც დაესწრნენ. 

ხელნაწერთა ეროვნული ცენტრი პროექტს „იუნკერი ივანე ნანუაშვილი - საქართველოს უახლესი ისტორიის უცნობი ფურცლები“ მასპინძლობს. დღეს, ცენტრის საგამოფენო დარბაზში დავით აღმაშენებლის სახელობის საქართველოს ეროვნული თავდაცვის აკადემიის იუნკერები ვანო ნანუაშვილის არქივში დაცული უნიკალური ფოტო და დოკუმენტური მასალის, ასევე მისი ნაშრომების გამოფენას დაესწრნენ. 

საქართველოს თავდაცვის სამინისტროს პროფესიული განვითარების ცენტრში სემინარი „სტუდენტების შეფასება და ეფექტურობის გაზომვა“ გაიხსნა. კურსს დავით აღმაშენებლის სახელობის ეროვნული თავდაცვის აკადემიის პროფესორ-მასწავლებლებისა და სამხედრო ინსტრუქტორებისთვის არის განკუთვნილი. 

საქართველოს შეიარაღებული ძალების გენერალური შტაბის სამხედრო პოლიციის დეპარტამენტს 27 კვალიფიცირებული სამხედრო პოლიციელი შეემატა. სამხედრო პოლიციის გადამზადების მეორე კურსის გამოშვების საზეიმო ცერემონიალი დღეს, დავით აღმაშენებლის სახელობის ეროვნულ თავდაცვის აკადემიაში გაიმართა.