ექსპერტმა გეოპოლიტიკურ საკითხებში თორნიკე შარაშენიძემ სამეთაურო-საშტაბო სკოლის მსმენელთათვის წაიკითხა ლექცია საქართველოს გეოპოლიტიკური მდგომარეობის შესახებ. ლექცია კითხვა-პასუხის რეჟიმში წარიმართა.

გეოპოლიტიკური კვლევის საერთაშორისო ცენტრის ხელმძღვანელმა თენგიზ ფხალაძემ სამეთაურო-საშტაბო სკოლის მსმენელებს ლექცია ჩაუტარა, რომელიც კითხვა-პასუხის რეჟიმში გაიმართა. ლექციაზე ძირითადად ისაუბრეს საქართველოს ევროატლანტიკურ სივრცეში გაწევრიანების პერსპექტივებსა და გამოწვევებზე. 

ეროვნულ თავდაცვის აკადემიაში ინტელექტუალური თამაშის რა? სად? როდის? ფინალი გაიმართა, რომელშიც მონაწილეობას რვა გუნდი იღებდა. 2013 წლის სეზონის გამარჯვებული გახდა I კურსი - V ოცეული „მე-5 ელემენტი“ 18 ქულით. საპრიზო ადგილები კი ასე გადანაწილდა: ინსტრუქტორთა გუნდი „ფეოლა“ - 18 ქულა, I ოცეული „სოფისტები“ – 16 ქულა, II ოცეული „ბრავო“ – 14 ქულა. თამაშის საუკეთესო მოაზროვნის ტიტული იუნკერ ალექსანდრე ბერიძეს მიენიჭა.

ეროვნულ თავდაცვის აკადემიას სსიპ - მარნეულის მუნიციპალიტეტის სოფელ შაუმიანის #2 საჯარო სკოლის მოსწავლეები ესტუმრნენ. შეხვედრა გაცნობით ხასიათს ატარებდა. ბაკალავრიატის III კურსის იუნკერმა არჩილ შავდათუაშვილმა სტუმრებს საქართველოში არსებული სამხედრო სასწავლებლების ისტორია, იუნკერების დღის განრიგი და აქტივობები გააცნო.

ეროვნულ თავდაცვის აკადემიასა და სსიპ მასწავლებელთა პროფესიული განვითარების ეროვნულ ცენტრს შორის ურთიერთთანამშრომლობის მემორანდუმი გაფორმდა. დოკუმენტს ხელი აკადემიის რექტორმა ზურაბ აგლაძემ და ცენტრის დირექტორმა გია მამულაშვილმა მოაწერეს.