ეროვნულ თავდაცვის აკადემიას სსიპ - მარნეულის მუნიციპალიტეტის სოფელ შაუმიანის #2 საჯარო სკოლის მოსწავლეები ესტუმრნენ. შეხვედრა გაცნობით ხასიათს ატარებდა. ბაკალავრიატის III კურსის იუნკერმა არჩილ შავდათუაშვილმა სტუმრებს საქართველოში არსებული სამხედრო სასწავლებლების ისტორია, იუნკერების დღის განრიგი და აქტივობები გააცნო.

ეროვნულ თავდაცვის აკადემიასა და სსიპ მასწავლებელთა პროფესიული განვითარების ეროვნულ ცენტრს შორის ურთიერთთანამშრომლობის მემორანდუმი გაფორმდა. დოკუმენტს ხელი აკადემიის რექტორმა ზურაბ აგლაძემ და ცენტრის დირექტორმა გია მამულაშვილმა მოაწერეს.

ეროვნულ თავდაცვის აკადემიაში გაიმართა ორდღიანი სამეცნიერო კონფერენცია თემაზე „შავი ზღვის აუზის ქვეყნები: პრობლემები და პერსპექტივები“. კონფერენციაზე მოხსენებით გამოვიდნენ სუხიშვილის სასწავლო უნივერსიტეტის, შავი ზღვის საერთაშორისო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, ევრო-კავკასიური უნივერსიტეტის სტუდენტები და ეროვნული თავდაცვის აკადემიის იუნკერები.

ეროვნულ თავდაცვის აკადემიას ისტორიკოსი და დრამატურგი გურამ ქართველიშვილი ესტუმრა. ბატონმა გურამმა ბაკალავრიატის იუნკერებს ლექცია ჩაუტარა საქართველოს ისტორიაზე. ლექციის მსვლელობისას, ბატონმა გურამმა XI-XVIII საუკუნეების საქართველოს ისტორია მიმოიხილა. მან ამ პერიოდის ქართველ მეფეებსა და მომთაბარე ტომების შემოსევებზე ისაუბრა.

ეროვნულ თავდაცვის აკადემიაში ინტელექტუალური თამაშის რა? სად? როდის? IV ტური გაიმართა, რომელშიც მონაწილეობა ბაკალავრიატის III კურსის იუნკერებმა მიიღეს. მეოთხე ტურის შედეგად გამოვლინდნენ ნახევარფინალისტები, IV  ოცეული „ელიტა-II“ – 15 ქულა, V ოცეული „გორგასლიანი“ – 14 ქულა. თამაშის საუკეთესო მოაზროვნის ტიტული იუნკერ გიორგი ნოზაძეს მიენიჭა.