საქართველოს თავდაცვის მინისტრმა 1921 წელს საქართველოს დამოუკიდებლობისათვის ბრძოლაში გმირულად დაღუპულ იუნკერებს პატივი მიაგო. იუნკერთა ხსოვნის პატივსაცემად კოჯორ-ტაბახმელას გმირთა მემორიალთან ირაკლი ალასანია შეიარაღებული ძალების გენერალური შტაბის უფროსთან, გენერალ-მაიორ ვახტანგ კაპანაძესთან ერთად იმყოფებოდა. 

დღეს, ნატოს სამხედრო განათლების განვითარების პროგრამასთან (DEEP) თანამშრომლობის ფარგლებში, ეროვნული თავდაცვის აკადემიის პროფესიული განვითარების ცენტრში აკადემიის პროფესორ-მასწავლებლებისთვის და სამხედრო ინსტრუქტორებისთვის დაიწყო 4 დღიანი სემინარი შემდეგ თემაზე: აქტიური სწავლების შეფასება და ძირითადი სასწავლო გეგმის დიზაინი.

დღეს, 1921 წელს დაღუპული იუნკერები თავდაცვის სამინისტროში გაიხსენეს. გენერალური შტაბის უფროსმა, გენერალ-მაიორმა ვახტანგ კაპანაძემ და თავდაცვის მინისტრის მოადგილემ ვაკო ავალიანმა სამინისტროს ტერიტორიაზე აღმართული ქვაჯვარი გვირგვინით შეამკეს. სტელასთან საქართველოს შეიარაღებული ძალების მთავარმა კაპელანმა, დეკანოზმა დავითმა დაღუპული იუნკერების სულების მოსახსენიებელი პანაშვიდი გადაიხადა. ქვაჯვარი თავდაცვის სამინისტროს ტერიტორიაზე მდებარე მთავარანგელოზთა დასის სახელობის ტაძრთან არის აღმართული.

ეროვნული თავდაცვის აკადმიის წარმომადგენლები იმერეთისა და მცხეთა-მთიანეთის რეგიონებს, კერძოდ ჭიათურას, ქუთაისს, ყაზბეგსა და დუშეთს ესტუმრნენ. 2014-2015 საბაკალავრო პროგრამაზე მიღებასთან დაკავშირებით, აკადემიის წარმომადგენლები ადგილობრივ აბიტურიენტებსა და კადეტთა სამხედრო ლიცეუმის კადეტებს შეხვდნენ.