მიმდინარე წლის 12 ივნისს ეროვნული თავდაცვის აკადემიაში ტარდება სამეცნიერო - პრაქტიკული კონფერენცია ,,ევროპულ - ქართული სამხედრო, პოლიტიკური და სამოქალაქო ურთიერთობების ასპექტები''.

მიმდინარე წლის 15-18 აპრილს გაიმართა საქართველო-აზერბაიჯანი-თურქეთის სამხედრო აკადემიების რექტორების  სამმხრივი შეხვედრები, რომელსაც თურქეთის სახმელეთო ძალების სასწავლებელმა უმასპინძლა ქალაქ ანკარაში. თურქეთში გამართულ შეხვედრებში წარმოდგენილი იყო აზერბაიჯანის ჰეიდარ ალიევის სახელობის უმაღლესი სამხედრო სკოლის ხელმძღვანელობა და თურქეთის სახმელეთო ძალების სასწავლებელი. ხოლო აკადემიის მხრიდან ოფიციალური ვიზიტის ფარგლებში მონაწილეობას იღებდნენ რექტორის მოვალეობის შემსრულებელი, პოლკოვნიკი მამია ბალახაძე, სასწავლო ბატალიონის მეთაური, ვიცე-პოლკოვნიკი გიორგი კობიძე, ხარისხის უზრუნველყოფის სამსახურის უფროსის მოადგილე, მარიამ დარბაიძე და საერთაშორისო ურთიერთობის სამმართველოს უფროსი ნინო გეწაძე.

დღეს, ეროვნული თავდაცვის აკადემიაში დაიწყო ერთკვირიანი ლიეტუვა-საქართველოს ერთობლივი  ბრიგადის დონის სამხედრო სწავლება (MAPEX), რომელიც საქართველოს თავდაცვის ძალების მეთაურის მოადგილემ, ბრიგადის გენერალმა შალვა ჯაბახიძემ გახსნა.

დღეს, ეროვნულ თავდაცვის აკადემიაში რიგით მეხუთე კადეტთა საერთაშორისო კვირეული გაიხსნა. წელს აღნიშნულ ღონისძიებაში 13 ქვეყნის 15 პარტნიორი საგანმანათლებლო დაწესებულება მონაწილეობს, კადეტთა საერთო რიცხვი კი 55-ს უტოლდება. აღსანიშნავია, რომ ღონისძიება უკვე მეხუთე წელია აკადემიაში იმართება და მონაწილეთა ეს რიცხვი ისტორიაში სარეკორდოა.

დღეს, სსიპ დავით აღმაშენებლის სახელობის საქართველოს ეროვნულმა თავდაცვის აკადემიამ მემორანდუმები გააფორმა სსიპ ფერდინანდ თავაძის მეტალურგიისა და მასალათმცოდნეობის ინსტიტუტსა და სსიპ - რაფიელ დვალის მანქანათა მექანიკის ინსტიტუტებთან. რომელსაც ხელი მოაწერეს ეროვნული თავდაცვის აკადემიის რექტორის მოვალეობის შემსრულებელმა, პოლკოვნიკმა მამია ბალახაძემ, სსიპ ფერდინანდ თავაძის მეტალურგიისა და მასალათმცოდნეობის ინსტიტუტის დირექტორმა, ბატონმა გიორგი თავაძემ და სსიპ - რაფიელ დვალის მანქანათა მექანიკის ინსტიტუტის დირექტორმა, ბატონმა თამაზ ნატრიაშვილმა.