დღეს, ეროვნულ თავდაცვის აკადემიაში ,,სპიკერების პროგრამის''-ის ფარგლებში, საქართველოს თავდაცვის ძალების მეთაური, გენერალ-მაიორი ვლადიმერ ჩაჩიბაია იმყოფებოდა.

დღეს, საქართველოს ეროვნულმა თავდაცვის აკადემიამ მემორანდუმი გააფორმა სსიპ ტექნოლოგიურ ინსტიტუტთან, რომელსაც ხელი მოაწერეს ეროვნული თავდაცვის აკადემიის რექტორის მოვალეობის შემსრულებელმა, პოლკოვნიკმა მამია ბალახაძემ და სსიპ ტექნოლოგიური ინსტიტუტის დირექტორმა, ბატონმა თეიმურაზ ლომთაძემ. აღნიშნული მემორანდუმი ითვალისწინებს მხარეებს შორის ინფორმაციის და გამოცდილების გაზიარებას, ასევე სხვადახვა სასწავლო და კვლევითი პროგრამების განხორციელებას.  

დღეს, ეროვნულ თავდაცვის აკადემიაში პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებებში“ (Integrity) ფარგლებში სამუშაო შეხვედრა გაიმართა, რომელიც პროექტის ფარგლებში ჩატარებული ღონისძიებების ანალიზს და სამომავლო გეგმების განხილვას დაეთმო.  შეხვედრას პროექტის კოორდინატორი, ფინანსური მენეჯერი და სხვადასხვა თემატური ჯგუფის წევრები ესწრებოდნენ.

2019-2020 სასწავლო წელს საბაკალავრო პროგრამებზე მიღებასთან დაკავშირებული სარეკლამო კამპანიის ფარგლებში ეროვნული თავდაცვის აკადემიის წარმომადგენლები ხაშურის, კასპისა და ქარელის საჯარო სკოლების დამამთავრებელი კლასის მოსწავლეებს შეხვდნენ და მათ აკადემიაში არსებული საგანმანათლებლო პროგრამები, მიღების პირობები და გაცვლითი პროგრამები გააცნეს. 

ეროვნულ თავდაცვის აკადემიაში სენ-სირის სამხედრო სკოლის ორი მსმენელის ოთხკვირიანი სტაჟირება დასრულდა.